نکھری رنگت اور بے داغ جلد چہرے پر حسن بن کر جھلکتی ہے تاہم کبھی کھبی یہ حسن ماند بھی پڑجاتا ہے جس کے لیے ایسے اجزاء کی ضرورت ہے جو اس کی قدرتی دلکشی کو پھر سے لوٹا دے۔
جہاں تک مارکیٹ میں دستیاب جلد کی حفاظت کی مصنوعات کی بات کی جائے وہ سب وعدہ تو کرتی ہیں جلد کی صحت کو برقرار رکھنے کا لیکن کیمیکل سے بھرپور ہونے کی بنا پر جلد پر نقصان کا باعث بنتی ہے یہی وجہ ہے کہ فی زمانہ خواتین کی بڑی تعداد گھر میں موجود اجزاء کو جلد کے کئی مسائل حل کرنے کے استعمال کرتی ہیں۔
یہ بات تو سب ہی جانتے ہیں کسی بھی سے تہوار قبل خواتین بڑی تیاریاں کرتی ہیں اور خاص کر تہوار والے دن ہر ایک منفرد نظر آنے کے لیے چہرے پر خاص توجہ دیتی ہیں تاہم خواتین کی بڑی تعداد جلد کے دیگر مسائل کے ساتھ ایک اہم ترین مسئلے کا سامنا کرتی ہیں اور ہے رنگت کا یکساں نہ ہونا جب جلد کی رنگت ایک ٹون میں نہیں ہوتی تو خوبصورت چہرہ بھی ماند سا لگتا ہے اس طرح اکثر خواتین گردن اور ہاتھ اور پیر پر کم ہی دھیان دیتی ہیں، اسی لیے یہاں پر گھر میں موجود عام اجزاء سے تیار چند ماسک پیش کیے جارہے ہیں جو آپ کی جلد کے مسائل حل کر کے آپ کے حسن کو بڑھا دیں گے۔
اسٹرابیری ماسک
چند اسٹرابیری میش کر کے اس میں کچا دودھ شامل کریں اور اپنے چہرے اورگردن پر لگائیں اور20منٹ بعد ٹھنڈے پانی سے دھولیں ۔ یہ آپ کی جلد کی رنگت کو نکھار کر اس کی رونق بڑھا دے گا۔
بیسن اور ہلدی ماسک
برھتی عمر کے اثرات کوکم کرنے کے لئے یہ بہترین ماسک ہے، یہ ہر طرح کی جلد کے لئے مفید ہے۔ ایک چمچ ہلدی اور دوچمچے بیسن میں کچھ مقدار کچے دودھ کی شامل کر کے گاڑھا پیسٹ بنا لیں ،رات میں چہرے پر لگائیں اور 20 منٹ بعد ٹھنڈے پانی سے دھولیں۔ بیسن چکنی جلد کو نارمل جبکہ ہلدی ایکنی کو ختم کرکے جلد کی رنگت کو دودھ جیسی کر دے گا۔
شہداور لیموں کاماسک
چہرے کی جھریاں ختم کرنے کے لیے ایک چمچ شہد میں ایک چمچ لیموں کا رس شامل کر کے مکسچر بنا کر اسے چہرے پر 15 منٹ تک لگا رہنے دیں، 15 منٹ کے بعد چہرے کو پانی سے دھو لیں اور اس عمل کو جھریاں ختم ہونے تک روزانہ جاری رکھیں۔
چاول کا آٹا، عرق گلاب اور کیسٹر آئل
اس فیس پیک کو بنانے کے لیے ایک کھانے کا چمچ چاول کا آٹا لیں اور اس میں چار قطرے کیسٹر آئل اور چند قطرے عرق گلاب شامل کر کے ایک گاڑھا سا پیسٹ بنالیں، اس آمیزے کو اپنے چہرے پر لگائیں اور پانچ منٹ تک لگا رہنے دیں۔ پانچ منٹ کے بعد، فیس پیک کو ٹھنڈے پانی سے دھولیں یہ جلد کو نرم وملائم بناکر اس کی دلکشی کو بڑھا دے گا۔
گردن کی سیاہی دور کرنے کے لیے
ایک لیموں کا چھلکا تقریباً آدھا کپ پانی میں ابال کر ٹھنڈا کر لیں پھر اس پانی میں چار کھانے کے چمچ جو کا آٹا اور آدھا چائے کا چمچ ہلدی ملا کر پیسٹ بنا لیں۔
یہ پیسٹ گردن پر لگا کر دس منٹ مساج کریں اور پانی سے دھونے کے بعد کسی اچھی موئسچرائزنگ کریم میں تین قطرے عرق گلاب ملا کر لگائیں یہ عمل ایک ہفتہ تک پابندی سے روزانہ کرنے سے گردن کی سیاہی بالکل صاف ہو جائے گی۔
ہاتھوں کی جلد کو ملائم بنائیں
ہاتھوں کی جلد کو ملائم کرنے کے لیےسنگترے کا رس اور شہد ہم وزن مکس کر لیں اور اسے ہاتھوں پر آہستہ آہستہ ملیں پھر کُچھ دیر بعد اسے سادہ پانی کیساتھ دھو دیں ، آپ مہنگی کریموں کو بھول جائیں گے۔
پیروں کی جلد کے لیے
پیروں کی کھردری جلد کو صاف کرنے کے لیے ایک اسکرب تیار کریں اس کے لیے آدھا کپ کافی، ایک چوتھائی کپ براؤن شوگر اور آدھا کپ ناریل کا تیل لیں سب سے پہلے ناریل کا تیل گرم کریں یہ پگھل کر لکویڈ فارم میں آجائے تو اس میں بقیہ تمام اجزاء شامل کرکے اچھی طرح مکس کریں۔ اب اس سے پیروں پر لگا کر مساج کریں پھر پانی سے دھولیں یہ اسکرب پیروں کی کھردری جلد کو صاف کرنے کے ساتھ ان کی قدرتی نرمی کو بھی بحال کرے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News