پنجاب حکومت کا اہم انتظامی عہدوں کی تبدیلی کے بعد بڑا فیصلہ کرلیا گیا ہے۔
تفصیلات کے مطابق صوبے کے تمام محکموں اور فیلڈ سے تعلق رکھنے والے افسران کا پرفارمنس آڈٹ کروانے کی منظوری دیدی گئی ہے۔ ,
چیف سیکرٹری پنجاب میجر ریٹائرڈ اعظم سلیمان نے تمام ڈپٹی کمشنرز کو پرفارمنس آڈٹ کرنے کا حکم دے دیا ہے۔
پرفارمنس آڈٹ کو دیکھتے ہوئے مزید نچلی سطح پر افسران اور ملازمین کو عہدوں سے ہٹایا جائے گا۔,
پنجاب میں کرپٹ پریکٹس میں ملوث افسران اور ملازمین کو فارغ کرنے کا فیصلہ کرتے ہوئے بار بار تبدیل ہونے والے ملازمین کو او ایس ڈی بنایا جائے گا۔
چیف سیکرٹری پنجاب نے ایڈیشنل چیف سیکرٹری شوکت علی کو اسسٹنٹ کمشنرز اور دیگر افسران بارے رپورٹ طلب کر لی ہے۔
وزیراعلیٰ پنجاب عثمان بزدار کا کہنا تھا کہ نچلی سطح تک شفافیت اور میرٹ کو مدنظر رکھتے ہوئے تبادلے کئے جائیں گے۔
پرفارمنس آڈٹ میں نااہل اور کرپٹ افراد جو کہ فیلڈ میں تعینات ہیں، ان کی نشاندہی ہو سکے گی۔ نچلی سطح پر تبدیلی لانا ضروری ہے۔ ڈپٹی کمشنر کو با اختیار بنایا گیا ہے۔,
واضح رہے کہ اس سے قبل صوبائی انتظامیہ اور پولیس محکمے میں اعلیٰ عہدوں پر بڑے پیمانے پر تبادلے و تقرریوں کے ساتھ ساتھ چار سینیئر افسران کی خدمات وفاق کے سپرد کر دی گئی تھیں۔
وزیراعظم عمران خان کی زیر صدارت گزشتہ روزحکومتی اور پارٹی ترجمانوں کا اجلاس ہوا، جس میں پارٹی ترجمانوں کے اجلاس میں پارٹی فنڈنگ کیس پر تبادلہ خیال کیا گیا۔
اجلاس میں ملک کی سیاسی ، معاشی اور سیکیورٹی صورتحال اور آرمی چیف کی مدت ملازمت میں توسیع سے متعلق سپریم کورٹ کے فیصلے پر بھی گفتگو ہوئی۔
اس موقع پر وزیراعظم عمران خان نے ترجمانوں کو ہدایت دی کہ ترجمان معاشی اصلاحات اور کامیابیوں کو عوام کے سامنے لائیں۔
عمران خان کا یہ بھی کہنا تھا کہ سپریم کورٹ کے فیصلہ سے پارلیمنٹ اور وفاق کے اختیار کوتسلیم کیا گیا اور فیصلہ کے مطابق آرمی کی مدت ملازمت سے متعلق قانون سازی کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News