وزیراعظم عمران خان نے کہا ہے کہ پاکستان میں غربت ہے، معیشت کا برا حال ہے، شہر بند کیے تو لوگ کرونا نہیں بھوک سے مرجائیں گے۔
تفصیلات کے مطابق وزیراعظم عمران خان نے قوم سے خطاب کرتے ہوئے کہا کہ کورونا وائرس کے معاملے پر افراتفری پیدا کرنے کی ضرورت نہیں، کورونا وائرس کی خاصیت یہ ہے کہ جلد پھیل جاتا ہے جس کے 90 فیصد مریضوں کو صرف نزلہ اور زکام ہوتا ہے۔
اس موقع پر عمران خان نے کورونا وائرس سے متعلق کئے جانے والے حکومتی اقدامات سے قوم کو آگاہ کرتے ہوئے کہا کہ خطاب کا مقصد قوم کو کورونا وائرس سے متعلق اقدامات پر اعتماد میں لینا ہے اس لئے عوام احتیاط کریں، آپ نے گھبرانا نہیں ہےہم یہ جنگ جیت جائے گے۔
وزیراعظم نے یہ بھی کہا کہ کروناوائرس اس لیے خطرناک ہے کہ یہ جلدی سے پھیلتا ہے، کرونا وائرس سے بزرگ یا طبی کمزوری کا شکار افراد جلد متاثر ہوتے ہیں جبکہ وائرس کے 97 فیصد مریض صحت یاب ہوجاتے ہیں اور متاثرہ صرف4یا 5 فیصدمریضوں اسپتال جانا پڑتا ہے۔
عمران خان کا کہنا تھا کہ چین میں کروناوائرس سے متعلق خبریں عروج پر تھیں، وائرس کے آغاز پر ہی مسلسل چین سے رابطے میں تھے جبکہ چین کے بعد پڑوسی ملک ایران میں بھی کورونا وائرس تیزی سے پھیلااور ہمیں یہ معلوم تھا کہ چین میں کورونا وائرس پھیلا ہے تو پاکستان بھی پہنچے گا ۔
پاکستان میں کوروناوائرس کے متاثرہ افراد کی تعداد 237 ہوگئی
وزیراعظم کا یہ بھی کہنا تھا کہ ہم نے15جنوری سے ایئرپورٹ پر اسکریننگ شروع کی، اب تک ایئرپورٹس پر 9 لاکھ لوگوں کی اسکریننگ ہوچکی جبکہ پاکستان میں 26 فروری کو پہلا کیس سامنے آیا۔
عمران خان نے کہا کہ اٹلی میں کرونا کیسز بڑھے تو انہوں نے لاک ڈاؤن کر دیا، برطانیہ سمیت پوری دنیا میں اقدامات کیے گئے، امریکا میں شہروں کو بند کیاگیا، چین میں ووہان کا لاک ڈاؤن کیا گیا لیکن پاکستان کے امریکا یا چین یا اٹلی جیسے حالات نہیں ہیں کہ ہم شہر بند کریں ۔
وزیراعظم عمران خان نے مزید کہا کہ پاکستان میں کرونا کے 20 کیسز ہونے کے بعد نیشنل سیکیورٹی کمیٹی بنائی، جب 20مریض تھے تب شہر بند کرنے کی تجویز آئی تھی لیکن ہم نے جہاں بھی لوگ جمع ہوسکتے تھے ان چیزوں کو بند کیا جبکہ ہم نے وینٹی لیٹرز کے لیے آرڈرز دیے ہیں اور اس کے ساتھ ساتھ میڈیکل کی ٹیم تشکیل دی ہے۔
Advertisementوزیراعظم پاکستان عمراں خان صاحب قوم سے خطاب کر رہے ہیں#PMIK https://t.co/1QX6CPUr8c
— Dr. Firdous Ashiq Awan (@Dr_FirdousPTI) March 17, 2020
یاد رہے کہ پنجاب اور سندھ میں کورونا وائرس کے مزید کیسز سامنے آنے کے بعد ملک بھر متاثرہ افراد کی تعداد 236 ہوگئی ہے، ملک میں کورونا وائرس سے سب سے زیادہ متاثرہ صوبہ سندھ میں کووڈ-19 کے متاثرین کی تعداد 172 تک پہنچ گئی ہے جبکہ پنجاب میں 25 اور بلوچستان میں چھ نئے مریضوں کی تصدیق ہوئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News