سندھ بھر میں لاک ڈاؤن کی وجہ سے روزانہ کی بنیاد پر کمانے والا دیہاڑی دار طبقے اور نادار افراد کی مدد کے لیے مختلف اداروں اور مخیر حضرات کی جانب سے راشن تقسیم کیا جا رہا ہے، مگر اس صورت حال کا فائدہ اٹھاتے ہوئے کراچی میں ضرورتمندوں کا ڈھونگ رچانے والے لٹیرے بھی حرکت میں آگئے۔
کراچی میں مستحق افراد امدادی سامان کو ترس رہے ہیں لیکن ضرورتمندوں کا حق مارنے والے نوسربازمنوں راشن جمع کئے بیٹھے ہیں۔
شہری علاقے کی ایک دکان پر جب امدادی راشن فروخت کرنے کے لیے مرد اور عورت آئے تو دکاندار نے ان کی خفیہ طور پر ویڈیو بھی بنا لی۔
راشن بیچنے کے لیے آنے والے افراد نے راشن کے بجائے شیمپو، صابن وغیرہ اور نقد پیسے مانگے۔
دکاندار کے پتہ پوچھنے پر راشن بیچنے والے نوسر بازوں نے بتایا کہ ان کے پاس 4 سے 5 من راشن گھر میں پڑا ہے جسے وہ فروخت کرنا چاہتے ہیں۔ دکاندار نے انہیں وقتی طور پر راشن لینے سے منع کر کے روانہ کر دیا۔
دوسری جانب گلشن اقبال پولیس نے امداد کا راشن بیچنے والے دکاندار کو گرفتار کرلیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News