سیاہ فام شہری کی ہلاکت پر امریکا بھر میں مظاہرے جاری ہیں، برطرف تمام پولیس اہلکاروں کے خلاف نئی دفعات عائد کر دی گئیں۔ گردن دبانے والےاہلکار کے خلاف قتل کا مقدمہ درج کر لیا گیا۔
تفصیلات کے مطابق پاکستان فلم و ٹی وی انڈسٹری کے معروف اداکار حمزہ علی عباس نے امریکا میں سیاہ فام شہری جارج فلائیڈ کی سفید فام پولیس اہلکاروں کے ہاتھوں ہلاکت پر اپنا اظہارِ خیال کرتے ہوئے کہا کہ نسل پرستی انسان کی ایجاد کی جانے والی سب سے بیکار چیز ہے۔
مائیکرو بلاگنگ سائٹ ٹوئٹر پر جاری کردہ اپنے پیغام میں حمزہ علی عباسی نے کہا کہ آپ کیسے رنگ و نسل کی بنیاد پر کسی سے محبت کرنے یا نفرت کرنے اور قتل کرنے کا جواز پیش کرسکتے ہیں۔
Racism is the most disgusting, useless, pointless "ism" humankind has ever invented. How can u possibly justify loving or hating or killing or saving some one based on what kina color pigment they have in their skin? Shameful… Utterly shameful. #GeorgeFloyd#GeorgeFloydProtests
Advertisement— Hamza Ali Abbasi (@iamhamzaabbasi) June 4, 2020
واضح رہے کہ سیاہ فام جارج فلائیڈ کی ہلاکت کے بعد امریکہ میں نسلی امتیاز کے خلاف ہنگامہ برپا ہے، گھٹنے سے گردن دبانےوالے اہلکار کےخلاف مقدمے میں قتل کی دفعات شامل کر لی گئیں، ساتھی پولیس اہلکاروں پر بھی قتل میں مدد کرنے اور قتل کی حوصلہ افزائی کرنے الزام عائد کیا گیا ہے۔
جارج کے وکیل کا کہنا ہے یہ انصاف کی راہ پر ایک اہم قدم ہے کہ فلائیڈ کے آخری رسومات سے قبل اہم کارروائی کی جارہی ہے، لاس اینجلس میں نئی دفعات کے درج ہونے کے بعد لاکھوں افراد سرکاری عمارت کے سامنے جمع ہو گئے۔
سابق امریکی صدر باراک اوباما نے کہا ہے مظاہروں نے امریکا میں تبدیلی کا موقع پیدا کر دیا ہے، انہوں نے سیاہ فام نوجوانوں سے کہا ہے کہ آپ امریکا کے لیے بہت اہم ہیں۔
25 مئی کو منیسوٹا میں ایک امریکی پولیس اہلکار کے تشدد سے سیاہ فام امریکی شہری ہلاک ہوگیا تھا اور اِس واقعے کی ویڈیو سوشل میڈیا پر وائرل ہوگئی تھی جس کے بعد سے امریکا میں سیاہ فام امریکی شہریوں کی جانب سے مظاہرے کیے جارہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News