سائنسدانوں نے دنیا والوں کو عالمی وبا سے چھٹکارہ دلوانے کے لیے ایک اہم اعلان کر دیا۔
سائنسدانوں کو اب کووڈ 19 وائرس کو شکست دینے کے لئے ایک انتہائی مؤثر ہتھیار مل گیا ہے۔
یہ حقیقت ہے کہ عالمگیر وبا کورونا وائرس پر قابو اور اس کا علاج دریافت کرنے کے لئے دنیا بھر کے سائنسدان دن رات ایک کئے ہوئے ہیں۔
خیال رہے میل آن لائن کے مطابق یہ ہتھیار جوڑوں کی سوزش کے علاج کے لئے استعمال کی جانےوالے دوا ٹوسیلیزومیب (Tocilizumab) ہے۔
اس حوالےسے سائنسدانوں کا کہنا ہے کہ یہ کووڈ 19 وائرس سے انسانی مدافعتی نظام کو نقصان پہنچانے سے روک سکتی ہے ۔
یاد رہے کہ رپورٹ کے مطابق جب کوئی شخص کورونا وائرس کا شکار ہوتا ہے تو اس کا مدافعتی نظام حد سے زیادہ متحرک ہو جاتا ہے۔ اس صورتحال کو مدد نظر رکھتے ہوئے سائنسدانوں نے مدافعتی نظام میں طوفان ‘ (immune system storm) کا نام دے رکھا ہے۔
سائنسدانوں کا کہنا ہے کہ جوڑوں کی سوزش کی دوا انفلیمیشن کو کم یا ختم کرتی ہے۔
انہوں نے بتایا کہ کورونا وائرس کے باعث امیون سسٹم میں آنے والے طوفان کا سبب بھی انفلیمیشن ہی ہوتی ہے، چنانچہ جوڑوں کی سوزش کی دوا اس پر بہت معاون ثابت ہو سکتی ہے۔
رپورٹ کے مطابق اس دوا کے تجربات کئی ممالک میں بیک وقت کئے جا رہے ہیں اور رواں ہفتے ان تجربات کے نتائج آنا متوقع ہیں۔
دوسری جانب سائنسدانوں کے مطابق ٹرائلز میں دنیا بھر کے 60 اسپتالوں میں 450 کووڈ 19 کے مریض شامل ہیں۔
یاد رہے کہ دنیا بھر میں کورونا وائرس کے انفیکشن سے متاثرہ افراد کی تعداد ایک کروڑ 67 لاکھ 60 ہزار 360 ہوگئی، جبکہ 6 لاکھ 59 410 افراد اس وبا کی وجہ سے لقمہ اجل بن چکے ہیں۔
واضح رہے کہ یہ دوسری دوا ہوگی جو کورونا وائرس کے خلاف بہتر ثابت ہو گی اور اس وبا سے ہلاکتوں کی تعداد میں کمی آسکے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News