صوبائی وزیر صحت ڈاکٹر یاسمین راشد کی اپنے دفترمیں چیئرمین سی پیک لیفٹیننٹ جنرل(ر)عاصم سلیم باجوہ سے ملاقات ہوئی ہے۔
ملاقات میں ڈاکٹر یاسمین راشد اور لیفٹیننٹ جنرل(ر) عاصم سلیم باجو ہ نے ملک میں کورونا وائرس کی صورتحال پر تبادلہ خیال کیا۔
اس موقع پر چیئرمین سی پیک لیفٹیننٹ جنرل(ر) عاصم سلیم باجو ہ نے کوروناوائرس پر قابو پانے پروزیر صحت کی کاوشوں کو سراہا۔
صوبائی وزیر صحت ڈاکٹر یاسمین راشد نے ملاقات میں کہا کہ پنجاب کے تعلیمی اداروں کے اساتذہ کے کورونا وائرس کے تشخیصی ٹیسٹ کروائے جارہے ہیں جبکہ ڈاکٹرز،نرسزاور پیرامیڈیکل سٹاف نے کوروناوائرس پر قابوپانے کیلئے بہترین خدمات سرانجام دی۔
ڈاکٹر یاسمین راشد نے یہ بھی کہا کہ وزیراعظم عمران خان کے ویژن کے مطابق پنجاب کے سرکاری ہسپتالوں میں مریضوں کیلئے آسانیاں پیداکررہے ہیں اور صوبہ بھر میں کوروناوائرس کی صورتحال کا باقاعدگی سے جائزہ بھی لیا جارہا ہے ۔
صوبائی وزیر صحت ڈاکٹر یاسمین راشد نے مزید کہا کہ کوروناوائرس کے دوران شہیدہونے والے ڈاکٹرز،نرسزاور پیرامیڈیکس کو سلام پیش کرتے ہیں۔
اس موقع پر چیئرمین سی پیک لیفٹیننٹ جنرل(ر) عاصم سلیم باجوہ نے کہا کہ وزیر صحت ڈاکٹریاسمین راشد کی خدمات لائق تحسین ہیں جبکہ وزیراعظم عمران خان صحت کے شعبہ میں عوام کو زیادہ سے زیادہ سہولتیں دینا چاہتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News