چیئرمین سینیٹ محمد صادق سنجرانی نے کہا ہے کہ پاکستان خطے میں امن، ترقی اور خوشحالی کا فروغ چاہتا ہے۔
تفصیلات کے مطابق چیئرمین سینیٹ محمد صادق سنجرانی سے حزبِ اسلامی کے سربراہ گلبدین حکمت یار کی ملاقات ہوئی جس میں چیئرمین سینیٹ نے باہمی تعاون کو اقتصادی و پارلیمانی روابط کے ذریعے مستحکم کرنے کے عزم پر زور دیا۔
محمد صادق سنجرانی نے کہا ہے کہ پاکستان کی حکومت، پارلیمان اور عوام افغانستان کے ساتھ دو طرفہ برادرانہ تعلقات کو انتہائی اہمیت دیتی ہے جبکہ پاکستان افغانستان کے ساتھ مضبوط اور موثر پارٹنرشپ کا خواہاں ہے۔
چیئرمین سینیٹ نے یہ بھی کہا ہے کہ پر امن اور خوشحال افغانستان پاکستان کے وسیع تر قومی مفاد میں ہے۔
محمد صادق سنجرانی کا کہنا تھا کہ پاکستان افغان امن عمل کی حمایت کرتا ہے، پاکستان کی جانب سے افغان امن عمل اور مذاکرات کی حمائت کو افغان حکومت اور بین الاقوامی برادری نے بھی تسلیم کیا ہے۔
چیئرمین سینیٹ کا یہ بھی کہنا تھا کہ افغان مذاکراتی عمل ایک تاریخی موقع ہے، افغان قیادت اس موقع سے بھرپور فائدہ اٹھا کر مسئلے کا سیاسی حل تلاش کرے جبکہ امن مذاکرات میں سب کو شامل ہونا چاہے تاکہ تمام افغان اس امن عمل کی اونر شپ لیں اور حل کا حصہ بنیں۔
محمد صادق سنجرانی نے کہا کہ پاکستان نے چار دہائیوں تک لاکھوں افغان مہاجرین کو پناہ دی جبکہ پاکستان تمام افغان مہاجرین کی باعزت واپسی پر یقین رکھتا ہے اور کورونا وبا کے دوران دوطرفہ تجارت کیلئے پاک افغان سرحد کو خیر سگالی جذبے کے تحت کھولا گیا ہے۔
چیئرمین سینیٹ نے یہ بھی کہا کہ پائیدار اور دیرپا امن کیلئے سب کا شامل ہونا ضروری ہے جبکہ پاکستان افغانستان کی ری کنسٹرکشن اور ترقی کیلئے حمائت جاری رکھے گا۔
محمد صادق سنجرانی کا کہنا تھا کہ عوامی سطح پر روابط پاکستان اور افغانستان کے تعلقات میں بنیادی عنصر کی حیثیت رکھتے ہیں جبکہ پاکستان تعلیم، صحت اور فضائی رابطوں کی سہولت کیلئے بھی اقدامات اٹھا رہا ہے۔
چیئرمین سینیٹ محمد صادق سنجرانی کا مزید کہنا تھا کہ تجارتی و اقتصادی تعاون دیر پا تعاون کیلئے اہم سنگ میل ثابت ہوسکتے ہیں جبکہ تجارت اور اقتصادی سرگرمیوں کیلئے دونوں ملکوں کوموجودہ استعداد کا بھر پور استعمال کرنا ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News