عالمی وبا کی بگڑتی صورت حال ، اسپین میں‌ ایمرجنسی نافذ


شبین رضاویب ایڈیٹر

26th October, 2020

عالمی وبا کورونا وائرس کے بڑھتے کیسز کو دیکھتے ہوئے ہسپانوی حکومت نے ملک میں‌ ایمر جنسی نافذ کرنے کا اعلان کر دیا ہے۔

بین الاقوامی ذرائع کے مطابق ہسپانوی حکومت نے دوسری بار ملک بھر میں ہنگامی حالت نافذ کر دی ہے جوکہ اگلے سال مئی تک جاری رہے گی۔

اسپین میں کورونا کیسز میں مسلسل اضافہ ہورہا ہےاور متاثرین کی تعداد 11 لاکھ سے تجاوز کر گئی ہے۔

کینیری آئی لینڈز کے علاوہ ملک بھر میں رات کا کرفیو نافذ ہے۔

کرفیو رات 11 بجے سے صبح 6 بجے تک لاگو ہوگا۔

واضح رہےکہ اسپین میں کورونا وبا کی پہلی لہر میں 15 مارچ سے 21 جون تک ایمرجنسی نافذ کی گئی تھی۔