پی پی پی چیئرمین بلاول بھٹو زرداری نے کہا ہے کہ پوری قوم ہر طرح کی دہشت گردی اور انتہا پسندی کے خلاف ایک پیج پر ہے۔
تفصیلات کے مطابق پی پی پی چیئرمین بلاول بھٹو زرداری نے سکیورٹی فورسز کو دہشتگردوں کی جانب سے آئی ای ڈی سے نشانہ بنانے کی شدید مذمت کرتے ہوئے جنوبی وزیرستان میں کیپٹن عمر فاروق سمیت 6 جوانوں کی شہادت پر افسوس کا اظہار کیا۔
بلاول بھٹو زرداری نے شہداء کے اہلخانہ سے بھرپور یکجہتی کا اظہارکیا ہے۔
اپنے بیان میں پی پی پی چیئرمین بلاول بھٹو زرداری نے مزید کہا کہ دہشتگرد بزدلانہ حملوں کے ذریعے پوری قوم کو ڈرانے کی کوشش کر رہے ہیں جبکہ پوری قوم ہر طرح کی دہشت گردی اور انتہا پسندی کے خلاف ایک پیج پر ہے۔
یاد رہے اس سے قبل پاک فوج کے شعبہ تعلقات عامہ (آئی ایس پی آر) کے مطابق شمالی وزرستان کے علاقے رزمک کے قریب سیکیورٹی فورسز کے قافلے پر دہشت گردوں نے آئی ای ڈی حملہ کیا۔
اپنے بیان میں ترجمان آئی ایس پی آر کا کہنا تھا کہ دہشت گردوں کے حملے میں ایک افسر سمیت پانچ سیکیورٹی فورسز اہلکار شہید ہوگئے۔
ترجمان آئی ایس پی آر کا مزید کہنا تھا کہ شہداء میں 24 سالہ کیپٹن عمر فاروق، 37 سالہ نائب صوبیدار ریاض احمد، نائب صوبیدار شکیل آزاد، حوالدار یونس خان، نائیک محمد ندیم شامل ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News