صوبائی وزیر تعلیم پنجاب ڈاکٹر مراد راس نے نجی اسکولوں کی آن لائن رجسٹریشن کے لئے ای لائیسنس سسٹم کا افتتاح کر دیا۔
تفصیلات کے مطابق صوبائی وزیر تعلیم پنجاب ڈاکٹر مراد راس نے اپنے ایک بیان میں کہا کہ پنجاب میں 60 ہزار سے زائد نجی اسکول موجود ہیں جن کے لئے ای لائیسنس سسٹم بنانا انتہائی اہمیت کا حامل تھا۔
ڈاکٹر مراد راس نے کہا کہ تاریخ میں پہلی بار ایک ایسا سسٹم متعارف کرایا ہے جس کے تحت لوگ اپنے اسکولوں میں بیٹھے آن لائن رجسٹریشن کروا سکتے ہیں، جب تک آپ لوگوں کے لئے آسانیاں پیدا نہیں کریں گے تب تک لوگ سسٹم کو سے دور رہتے ہیں۔
صوبائی وزیر تعلیم پنجاب نے کہا کہ مارچ تک تمام نجی سکول مالکان کو مفت آن لائن رجسٹریشن کرنے کا موقع دیا جا رہا ہے،ای لائیسنس کے حصول کے لئے فیس بھی آب لائن جمع کرائی جا سکے گی۔
ڈاکٹر مراد راس نے یہ بھی کہا کہ ای لائیسنس کے انعقاد کے ساتھ سکولوں کی آن لائن رجسٹریشن کی بدولت سکول ایجوکیشن ڈیپارٹمنٹ کے پاس نجی سکولوں کی مکمل ڈیٹا بیس تیار ہو گی۔
صوبائی وزیر تعلیم پنجاب کا کہنا تھا کہ اس سسٹم سے پہلے پنجاب بھر میں موجود نجی سکولوں کے حوالے ہمارے پاس کوئی جامع معلومات موجود نہیں تھیں۔
ڈاکٹر مراد راس نے کہا کہ صوبے بھر میں اب تک 26000 سے زائد نجی سکولوں نے آن لائن سسٹم کے تحت ای لائیسنس حاصل کیا ہے۔
صوبائی وزیر تعلیم پنجاب ڈاکٹر مراد راس نے مزید کہا کہ ٹیکنالوجی کا بھرپور اور جامع استعمال شفافیت کو یقینی بنانے میں مدد فراہم کرتا ہے، ہم ایسا نظام لانے پر کام کر رہے ہیں جس کے لاگو ہونے کے بعد ہر سٹیک ہولڈر کی مکمل توجہ اپنے اہنے کام پر ہو گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News