وفاقی وزیر برائے اطلاعات و نشریات سینیٹر شبلی فراز نے کہا ہے کہ براڈ شیٹ کے متعلق امور کی تحقیات کے لیے تین رکنی کمیٹی قائم کردی ہے، کمیٹی آئندہ 48 گھنٹوں میں اپنی رپورٹ اور سفارشات پیش کرے گی۔
سماجی رابطے کی ویب سائٹ ٹویٹر پر ٹویٹ کرتے ہوئے شبلی فراز نے کہا کہ براڈ شیٹ سے فائدہ اٹھانے اور دینے والوں کے خلاف کارروائی کی جائے گی۔
براڈشیٹ معاملہ،وزیراعظم نےتین رکنی کابینہ کمیٹی تشکیل دی ہے،شبلی فراز کمیٹی کے کنوینئرہوں گےشیریں مزاری،فوادچوہدری کمیٹی میں شامل، کمیٹی کابینہ کو 48 گھنٹوں میں براڈشیٹ معاملے پر سفارشات پیش کرےگی،اس معاملے میں فائدہ دینے والے اورفائدہ اٹھانے والے تمام لوگوں کیخلاف کاروائی ہو گی۔
— Senator Shibli Faraz (@shiblifaraz) January 18, 2021
انہوں نے بتایا کہ وزیراعظم کی جانب سے تشکیل دی جانے والی تین رکنی کمیٹی کا انہیں کنوینر نامزد کیا گیا ہے۔
وفاقی وزیر برائے اطلاعات و نشریات کی کنوینر شپ میں قائم ہونے والی کمیٹی کے اراکین میں وفاقی وزرا فواد چودھری اور شیریں مزاری شامل ہیں۔
وفاقی وزیر برائے اطلاعات و نشریات سینیٹر شبلی فراز کے مطابق کمیٹی آئندہ 48 گھنٹوں میں اپنی رپورٹ اور سفارشات پیش کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News