’ٹک ٹاک‘ پر پابندی عائد کیے جانے کی 5 اہم وجوہات سامنے آگئی
شارٹ ویڈیو شیئرنگ ایپ پر پاکستان میں پاکستان ٹیلی کمیونیکشن اتھارٹی نے پابندی...
ٹک ٹاک بنانا جان کو ہی مہنگا پڑ گیا۔
تفصیلات کے مطابق راولپنڈی کے علاقے شاہ خالد کالونی سے تعلق رکھنے والا نوجوان ٹک ٹاک ویڈیو سے مشہور ہونے کے چکر میں ویڈیو شوٹ کرتے وقت ٹرین سے ٹکرا کر جاں بحق ہوگیا۔
یاد رہے کہ حمزہ نامی نوجوان راولپنڈی کے نورانی محلے کا رہائشی تھا اور وہ ویڈیو بنانے کے لیے شاہ خالد کالونی پہنچا تھا۔
پٹری کے پاس پہنچنے کے بعد نوجوان نے جب ہزارہ ایکسپریس نامی ٹرین کو دور سے آتا ہوا دیکھا ویڈیو ریکارڈ کرنا شروع کی اور اسی دوران حادثہ پیش آگیا۔
وائرل ویڈیو میں دیکھا جا سکتا ہے کہ راولپنڈی کے علاقے شاہ خالد کالونی میں حمزہ نامی نوجوان نے ٹرین کی آمد کے عین وقت پٹری کے ساتھ چلنے کی ویڈیو ریکارڈ کرنے کی کوشش کی۔
تاہم نوجوان ویڈیو بنا رہا تھا کہ اسی دوران پیچھے سے ٹرین ہارن بجاتی ہوئی آئی اور نوجوان رفتار سے آنے والے انجن سے ٹکرا کر ایک طرف گر گیا۔
نوجوان کے سر میں شدید چوٹ آئی جس کے باعث وہ موقع پر ہی جاں بحق ہوگیا۔
خیال رہے کہ ٹک ٹاک ویڈیو کے چکر میں نوجوان کی جان جانے کا یہ کوئی پہلا واقعہ نہیں، پاکستان سمیت دنیا بھر میں ٹک ٹاک استعمال کرنے والے نوجوان صرف ویوز کے چکر میں خطرناک اسٹنٹ کرتے ہیں جس کے دوران وہ اپنی جان بھی گنوا دیتے ہیں۔
واضح رہے کہ واقعے کے بعد 1122 ریسکیو حکام نے لاش کو بے نظیر بھٹو اسپتال منتقل کیا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News