وزیراعلیٰ سندھ مراد علی شاہ نے کہا ہے کہ وفاقی حکومت کی پالیسیوں کو نہیں مانتے۔

سندھ اسمبلی میں پالیسی بیان دیتے ہوئے مراد علی شاہ کا کہنا تھا کہ صنعت کار آج مجبور ہوکر سندھ اسمبلی میں آئے ہیں، گیس ان کا حق ہے کیوں نہیں دیتے ہیں، وفاق اس پر ڈاکہ مار رہی ہے، وفاقی حکومت نے مردم شماری منظور کردئیے، جی ڈی اے وفا قی حکومت سے نکلیں، چلیں وفاقی حکومت نہ چھوڑیں لیکن سندھ عوام کے لیے بات تو کریں، جس صوبے میں گیس پیدا ہو تو اس صوبے کو پہلا حق ملنا چاہیے، وزیر اعظم کے اپنے لوگ انہیں مس گائیڈ کررہے ہیں اور وہ مس گائیڈ ہورہے ہیں، ہم نے کہا 15 سو ایم ایم ایف سی ڈی گیس دے دیں، اس خط کا جواب بھی گزشتہ حکومت پر ڈال دیا، سندھ کے شہریوں کے چولہے نہیں جل رہے، دوسرا حق صنعتکاروں کا ہے، وفاقی حکومت کی پالیسیوں کو نہیں مانتے ہیں، اگر گیس کی شارٹیج ہوجاتی ہے تو آئین کو فالو کریں گے۔

انہوں نے کہا کہ ساڑھے چار سو ایم ایم سی ایف ڈی گیس دے رہے ہیں، گزشتہ دنوں پورا ملک اندھیرے میں چلا گیا، وہ بی گزشتہ حکومت پر ڈال دیا، گیس کا معاملہ گزشتہ حکومتوں کا نہیں ہے، یہاں انڈسٹریلسٹ کو بیٹھا کر آر ایل این جی پر دستخط کرائے گئے، ان سے قیمت آر ایل این جی کی لی جاتی ہے لیکن گیس نہیں دی جارہی ہے، یہ سندھ کے ساتھ زیادتی کررہے ہیں، یہ سندھ کے ووٹ کے لوگوں سے منتخب ہوکر آئے ہیں، ہم فالو اپ کررہے ہیں، میرے خطوطِ دیکھ لیں، بے حسی کا طرف سے ہے آپ دیکھ لیں، آئین کو فالو نہیں کیا جارہا ہے۔

وزیراعلیٰ سندھ نے مزید کہا کہ مجھ پر چاہے جتنی مرضی تنقید کریں، اللہ تعالیٰ اتنی طاقت مجھے دیتا ہے۔

وفاقی حکومت پر تنقید کرتے ہوئے مراد علی شاہ نے کہا کہ آپ کو آر ایل این جی کی سمجھ ہی نہیں آئی ہے، آپ ملک کے لوگوں کو کچھ خیال کریں، یہ جو مس مینجمنٹ کی وجہ سے ہمارے لوگوں کو نہ بجلی مل رہی ہے نہ گیس مل رہی ہے، یہ کہتے میں نہیں چھوڑوں گا، نا چھوڑو لیکن لوگوں سے غلط بیانی تو نہ کریں، پورے ملک کی بجلی چلی گئی ان کو ایک فور میں ملا بس، تمام معاملات کا حل موجود ہے اگر کھلے دماغ سے بات کریں۔