اشنا شاہ نے خود کو غریب کیوں قرار دیا؟
پاکستان کی مقبول ترین اداکارہ اشنا شاہ نے خود کو غریب قرار...
پاکستان شوبز انڈسٹری کے معروف اداکار اور ماڈل عمران عباس نے ٹک ٹاک جوائن کرنے کا عندیہ دے دیا۔
تفصیلات کے مطابق اداکارعمران عباس نے فوٹو اینڈ ویڈیو شیئرنگ ایپ انسٹاگرام پ مداحوں کیلئے سوال و جواب کا سیشن کیا ۔
سیشن کے دوران ایک صارف نے اپنے پسندیدہ اداکار سے پوچھا کہ آپ نے کہا تھا کہ آپ کو ٹک ٹاک نہیں پسند ہے، اس ک
ی کیا وجہ ہے؟
عمران عباس نے صارف کے جواب میں کہا کہ ’میں نے کبھی بھی ایسا نہیں کہا کہ میں ٹک ٹاک کو نا پسند کرتا ہوں بلکہ یہ ایک حیرت انگیز ایپ ہے جہاں لوگ مزاحیہ اور تخلیقی صلاحیتوں کا استعمال کر کے دوسروں کو تفریح فراہم کرتے ہیں۔‘
اداکار نے کہا کہ ’یہ تو صرف استعمال کرنے کی بات ہے کہ جو اسے پسند کرنے یا اس کے برعکس بناتا ہے۔‘
اس حوالے سے عمران عباس کا کہنا تھا کہ ’میری نظر میں ٹک ٹاکرزکی بہت عزت ہے، مجھے صرف ایک بات پسند نہیں آتی جب لوگ اپنی حد پار کر دیتے ہیں اور فالوورز کو بڑھانے کی خاطر فحش یا غیر مہذب چیزوں کی طرف جاتے ہیں‘۔
عمران عباس نے کہا کہ وہ جلد ہی ٹک ٹاک پر قدم رکھ سکتے ہیں کیونکہ انہیں بے شمار چاہنے والوں کی جانب سے پیغامات موصول ہوئے ہیں۔
واضح رہے کہ انسٹاگرام کے سیشن کے اختتام مین عمران عباس نے کہا کہ ٹک ٹاک کو مثبت، تخلیقی اور معنی خیز انداز میں استعمال کریں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News