جنوبی کوریا میں ایک حکومتی عہدیدار کی جانب سے اعلان کیا گیا ہے کہ کورونا وائرس کی علامات ظاہر ہونے کی صورت میں پالتوں بلیوں اورکتوں کا بھی ٹیسٹ کیا جائے گا۔

جنوبی کوریا میں یہ اعلان اس وقت سامنے آیا جب ملک کے جنوب مشرقی شہر جنجو میں ایک بلی کے بچے کی وجہ سے ایک انسان میں کورونا وائرس منتقل ہونے کا کیس سامنے آیا ہے۔

 شہری حکومت کے امراض قابو پانے والے ایک اہلکار نے پریس بریفنگ کے دوران بتایا کہ جانوروں کے ٹیسٹ جانوروں کے گھر کے قریب ایک ویٹرنریرین سمیت صحت کے کارکنوں کی ایک ٹیم کے ذریعہ کئے جائیں گے۔

انہوں نے مزید کہا کہ صرف بلیوں اور کتوں میں علامات ظاہر ہوئی ہیں اور ان کے علاوہ زیادہ تر پالتو جانوروں میں علامات ظاہر نہیں ہوئی ہیں۔ پالتو جانور کے ٹیسٹ مثبت آنے کی صورت میں ایسے جانور کو 14 دن تک گھر میں ہی قرنطینہ کروانا پڑے گا کیونکہ اس بات کا اندیشہ ہے کہ وائرس پالتو جانوروں سے انسان کو بھی منتقل ہوسکتا ہے۔

 اگر علامات پائے جانے والے پالتو جانوروں کے مالکان دیکھ بھال کرنے سے قاصر ہوں تو ایسے جانوروں کو مغربی سیول میں شہر کی حکومتی سہولت میں قرنطینہ کے لئے لے جایا جائے گا۔

جنوبی کوریا کے حکومتی حکام نے اعلان کیا ہے کہ اپنے پالتو کتوں کو چلتے وقت لوگوں اور دوسرے پالتو جانوروں سے کم سے کم 2 میٹر دور رکھیں اور حفاظتی اقدامات پر سختی سے عمل کریں۔