بھارتی اداکارہ پریا پرکاش شوٹنگ کے دوران زمین پر گر پڑیں


ثمرا مظہرویب ایڈیٹر

26th February, 2021
Square ad 300 x 250

بھارتی اداکارہ پریا پرکاش واریئر فلم کی شوٹنگ کے دوران گر پڑیں۔

خبر ایجنسی کے مطابق ایک گانے کی ویڈیو میں آنکھ مارنے کے انداز سے راتوں رات شہرت حاصل کرنے والی پریا پرکاش شوٹنگ کے دوران ہیرو کی پیٹھ پر چڑھنے کی کوشش کرتے ہوئے زمین پر جاگریں۔

خبرایجنسی کے مطابق پریا پرکاش اپنی پہلی تیلگو فلم ’چیک‘ کی شوٹنگ میں مصروف ہیں۔

گانے کی شوٹنگ کے دوران ایک سین میں انہیں دوڑتے ہوئے ہیرو نتھین کی پیٹھ پر سوار ہونا تھا تاہم وہ ایسا کرنے کی کوشش کرنے میں ناکام ہوگئیں اور کمر کے بل زمین پر گرگئیں۔

اس موقع پر سیٹ پر موجود عملے نے انہیں فوری طور پر اٹھایا اور خیریت دریافت کی جس پر اداکارہ کا کہناتھا کہ وہ بالکل ٹھیک ہیں اور سین کی شوٹنگ جاری رکھنا چاہتی ہیں۔