سعودی عرب نے 31 مارچ سے ایرپورٹس کھولنے کا اعلان کردیا۔
تفصیلات کے مطابق سعودی عرب جانے والوں کے لیے اچھی خبر سامنے آگئی، سعودی عرب نے 31 مارچ سے ایرپورٹس کھولنے کا اعلان کردیا۔
سعودی عرب ایوی ایشن اتھارٹی کی جانب سے جاری بیان میں کہا گیا ہے کہ تمام ایرلائنز ایس او پی کے تحت فلائٹس آپریشن بحال کرسکینگی۔
یاد رہے اس سے قبل سعودی عرب نے پاکستان سمیت 20 ممالک کے مسافروں پر عارضی سفری پابندی عائد کر دی تھی۔
حکام کے مطابق یہ اقدام کورونا وائرس کی عالمی وبا کی صورتحال کے پیش نظر کیا گیا تھا۔
سعودی حکام کی جانب سے جاری نوٹیفیکیشن میں کہا گیا تھا کہ پاکستان، برطانیہ، جرمنی، انڈیا، آرجنٹینا، سویڈن، فرانس، مصر، جاپان اور دیگر کچھ ملکوں کے مسافروں کے سعودی عرب داخلے پر عارضی پابندی رہے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News