پاکستان پیپلزپارٹی کے چیئرمین بلاول بھٹو زرداری نے کہا ہے کہ زرعی شعبے میں ترقی کے بغیر ملکی معیشت کا پہیہ آگے نہیں چل سکتا۔
تفصیلات کے مطابق پاکستان پیپلزپارٹی کے چیئرمین بلاول بھٹو زرداری سے سندھ میں محکمہ زراعت کے وزیر اسماعیل راہو کی ملاقات ہوئی ہے۔
ملاقات میں چیئرمین بلاول بھٹو زرداری کو اسماعیل راہو نے محکمہ زراعت کی کارکردگی پر بریفنگ دی۔
اس موقع پر بلاول بھٹو زرداری نے کہا کہ سندھ میں زرعی شعبے میں موجودہ بہتری خوش آئند ہے، زرعی شعبے میں ترقی کے بغیر ملکی معیشت کا پہیہ آگے نہیں چل سکتا۔
پاکستان پیپلزپارٹی کے چیئرمین بلاول بھٹو زرداری نے مزید کہا کہ یہ لمحہ فکریہ ہے کہ ایک زرعی ملک کی وفاقی حکومت زراعت کے شعبے کو مکمل نظرانداز کرچکی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News