شہرقائد میں 3 روز سے جاری احتجاج ختم ہونے کے بعد بند سڑکیں کھول دی گئیں اور شہر بھر میں ٹریفک کی روانی بھی بحال ہو گئی ہے۔
اس حوالے سے ٹریفک پولیس کا کہنا ہےکہ کراچی میں اس وقت صورتحال معمول پر آگئی ہے، کہیں پر بھی روڈ ٹریفک کے لیے بند نہیں ہے۔ اسٹار گیٹ، کورنگی، ٹاور چوک سمیت مختلف علاقوں میں پولیس ہائی الرٹ ہے۔
ذرائع کے مطابق بلدیہ حب ریور روڈ پر جاری احتجاج ختم ہونے کے بعد روڈ کوٹریفک کے لیے کھول دیا گیا ہے۔
واضح رہےکہ گزشتہ روز شارع فیصل پر اسٹارگیٹ پولیس نے مظاہرین کو منتشر کرنے کے لیے شیلنگ اور لاٹھی چارج کیا جبکہ مظاہرین نے بھی پولیس پر پتھراؤ کیا۔
سندھ پولیس کے مطابق پتھراؤ سے ایس ایس پی عرفان بہادر سمیت کئی اہلکار زخمی ہوئے۔
موٹر سائیکلوں اور گاڑیوں پر جانے والے بھی کئی افراد زخمی ہوئے جبکہ متعدد گاڑیوں کو آگ بھی لگا دی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News