نیشنل کمانڈ اینڈ کنٹرول سینٹر کی جانب سے رمضان المبارک کیلئے خصوصی ایس او پیز جاری کی گئی ہیں۔
تفصیلات کے مطابق وفاقی وزیراور سربراہ این سی او سی اسد عمر کا اس حوالے سے کہنا ہے کہ میڈیا کے ذریعے ماسک پہننے کی مہم چلائی جائے گی، تقریبات پر ان ڈور اور آؤٹ ڈور ہر طرح کی پابندی ہوگی۔
جاری کی گئی رمضان ایس او پیز کے مطابق بازار سحری سے شام 6 بجے تک کھلے رہیں گے۔ افطاری سے رات بارہ بجے تک باہر کھانے کی اجازت ہوگی۔ سماجی، سیاسی، کھیلوں سمیت ہر قسم کی تقریبات پر پابندی ہوگی۔
لاک ڈاؤن کے دوران ایمرجنسی کے علاوہ غیر ضروری نقل و حرکت پر پابندی ہوگی۔
رمضان میں رش سے بچنے کے لئے اضافی ٹرینیں چلائی جائیں گی، بین الصوبائی ٹرانسپورٹ کا جائزہ لینے کے لیے اجلاس 20 اپریل کو ہوگا۔
سخت ایس او پیز کے ساتھ وسیع لاک ڈاؤن لگایا جائے، لاک ڈاؤن کےدوران ایمرجنسی کےعلاوہ غیر ضروری نقل وحرکت پر پابندی ہوگی۔ وفاق کی اکائیاں اضلاع اورشہروں میں بیماری کا پھیلاؤ دیکھ کر اقدامات لے سکتی ہیں، وفاق کی اکائیاں چاہیں تو ایس او پیز کے حوالے سے مزید سخت اقدامات بھی کرسکتی ہیں۔ رمضان المبارک کے دوران کورونا کے تدارک کے لیے ایس او پیز پر سختی سے عمل کیا جائے گا، کمیونٹی اور میڈیا کے ذریعے ماسک پہننے کی مہم چلائی جائے گی۔
اندرون شہر ٹرانسپورٹ 50 فیصد مسافروں کے ساتھ چلے گی۔
نجی اور سرکاری دفاتر میں 50 فیصد ورک فرام ہوم پالیسی ہوگی۔
گلگت بلتستان، کے پی، آزاد کشمیر میں سیاحت کے لیے سخت ایس او پیز ہوں گے، مختلف جگہوں پر ٹیسٹنگ پوائنٹ بنائے جائیں گے۔
ریلوے کو 70 فیصد مسافروں کے ساتھ چلایا جائے گا۔
کھیلوں اور ثقافتی میلوں سمیت دیگر تقریبات پر مکمل پابندی ہوگی۔
بین الصوبائی ٹرانسپورٹ ہفتے میں 2 دن بند رہے گی۔
ٹیک اوے کی اجازت ہوگی۔
سینما گھر اور مزارات مکمل طور پر بند رہیں گے۔
واضح رہےکہ ایس او پیز پر نظرثانی کرنے کیلئے آئندہ اجلاس10 رمضان المبارک کو ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News