پاکستان ٹیلی کمیونی کیشن اتھارٹی نے 19 کمپنیوں کو موبائل فونز بنانے کی اجازت دے دی۔
تفصیلات کے مطابق پاکستان میں مقامی سطح پر موبائل فونز کی تیاری میں اہم پیشرفت سامنے آئی ہے، پی ٹی اے نے 19 کمپنیوں کو مقامی سطح پر موبائل فونز بنانے کی اجازت دے دی ہے۔
پاکستان ٹیلی کمیونی کیشن اتھارٹی (پی ٹی اے) کی جانب سے جاری بیان میں کہا گیا ہے کہ یہ 19 غیر ملکی اور مقامی کمپنیاں 2 جی، 3 جی اور 4 جی فونز تیار کریں گی۔ ابتدائی طور پر مینوفیکچررز اگلے دس سالوں کیلئے اپنے برانڈز بھی تشکیل دے سکیں گے۔
پی ٹی اے کے مطابق مینوفیکچررز اپنے برانڈز بھی تشکیل دے سکیں گے جو پاکستان میں تیار ثقافت کو فروغ دیں گے۔
ترجمان پاکستان ٹیلی کمیونی کیشن اتھارٹی کا کہنا ہے کہ ان مینوفیکچررز کے ذریعے تیار کردہ موبائل ڈیوائسز پاکستان میں فروخت کئے جائیں گے۔ پاکستان میں تیار کردہ موبائل ڈیوائسز خطے و دیگر مسابقتی مارکیٹوں میں بھی برآمد کئے جا سکیں گے۔
ترجمان کا یہ بھی کہنا تھا کہ یہ ڈیوائس مینوفیکچرنگ پلانٹس روزگار کے نئے مواقع پیدا کرنے کیلئے معاون ثابت ہوں گے۔ پی ٹی اے کے مطابق یہ پلانٹس پاکستانی صارفین کے لئے کم قیمت والے ہینڈسیٹ فراہم کرنے میں بھی معاون ثابت ہوں گے۔
ترجمان پاکستان ٹیلی کمیونی کیشن اتھارٹی کا مزید کہنا ہے کہ حکومت نے مینوفیکچروں کو پلانٹ لگانے کی حوصلہ افزائی کیلئے جامع پالیسی متعارف کرائی ہے جس کے نتیجے میں پی ٹی اے نے 2021 میں موبائل ڈیوائس مینوفیکچرنگ (ایم ڈی ایم) ریگولیشنز جاری کئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News