Double Click 728 x 90
Double Click 970 x 250

عید کے بعد پہلے ورکنگ ڈے شہباز شریف کا نام ای سی ایل میں ڈال دیا گیا، مریم اورنگزیب


ثمرا مظہرویب ایڈیٹر

17th May, 2021
Double Click 160 x 600

پاکستان مسلم لیگ ن کی ترجمان مریم اورنگزیب نے کہا ہے کہ عید کے بعد پہلے ورکنگ ڈے پرعمران خان نے شہباز شریف کا نام  ای سی ایل میں  شامل کروا دیا۔

ترجمان ن لیگ نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ وزیراعظم کو عید کے بعد پہلے ورکنگ ڈے پر عوام کو 19 فیصد مہنگائی سے نجات دلانے کا اقدام کرنے کی کوئی توفیق نہ ہوئی۔

مریم اورنگزیب نے کہا کہ شہباز شریف کا خوف یہ ہے کہ عمران صاحب، کابینہ ، وزیرِ داخلہ اور وزیرِ اطلاعات کی ایک گھنٹے میں دو پریس کانفرنسز ہوئیں۔

انہوں نے مزید کہا کہ عمران صاحب سیاسی انتقام میں اندھے ہوچکے ہیں، انہیں عوام کے مسائل کی کوئی پرواہ نہیں ہے،عمران صاحب کو عید کے دن دفتر خارجہ کھلوا کر فلسطین پر قرارداد تیار کرانے میں کوئی دلچسپی نہیں تھی۔

مریم اورنگزیب نے مزید تنقید کرتے ہوئے کہا کہ عمران صاحب کو عید کے دن وزارت خزانہ کھلوا کر عوام کو ریلیف دلانے کی کوئی توفیق نہ ہوئی۔

Double Click 300 x 250

تازہ ترین نیوز پڑہنے کے لیے ڈاؤن لوڈ کریں بول نیوزایپ