امریکی ادارے فیڈرل ڈرگ ایڈمنسٹریشن نے کورونا وائرس سے بچاؤ کیلے فائزر کمپنی کی تیار کردہ ویکسین کو 12سے 15سال تک کے بچوں پر استعمال کرنے کی منظوری دے دی ہے۔
خبرایجنسی کے مطابق ہنگامی بنیادوں پر ویکسین کی منظوری کا مقصد امریکی اسکول کھلنے سے پہلے مڈل اسکول کے طلباء کو ویکسین کی فراہمی ہے۔
ماہرین صحت کا کہنا ہے کہ بچوں کو ویکسین کی فراہمی سے امریکہ بھر میں کورونا سے متاثرہ کیسوں میں نمایاں کمی واقع ہوگی۔
خیال رہے کہ امریکہ میں کورونا وائرس سے اب تک 5 لاکھ 95 ہزار 588 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 3 کروڑ 34 لاکھ 54 ہزار 581 ہو چکی ہے۔
کورونا وائرس کے امریکا میں 64 لاکھ 53 ہزار 122 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 9 ہزار 2 کی حالت تشویشناک ہے جبکہ 2 کروڑ 64 لاکھ 5 ہزار 871 کورونا مریض اب تک شفایاب ہو چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News