وزیرخزانہ شوکت ترین نے کہا ہے کہ امید ہے کہ مالی سال 2023 میں معیشت کی ترقی 6 فیصد ہوگی۔
تفصیلات کے مطابق وزیرخزانہ شوکت ترین نے اپنے ایک بیان میں کہا کہ حکومت بڑے منصوبوں پر اخراجات میں 40 فیصد اضافہ کرے گی۔
وزیرخزانہ نے کہا کہ مالی سال 2020 میں پی ایس ڈی پی کے لئے 900 ارب روپے رکھیں گے۔
شوکت ترین کا کہنا تھا کہ روزگار اور پیداوار بڑھانےکے لئے اخراجات میں اضافہ کیا جائےگا۔
انہوں نے یہ بھی کہا کہ آئی ایم ایف کی توقع ہے 2022 میں معیشت 4 فیصد بڑھے گی جبکہ اگلے سال ملکی معیشت میں 5 فیصد اضافے کی ضرورت ہے۔
شوکت ترین کا کہنا تھا کہ مالی سال 2021 میں مالی خسارہ 7 فیصد تک رہے گا جبکہ گزشتہ سال مالی خسارہ 8.1 فیصد تھا۔
وزیرخزانہ شوکت ترین کا مزید کہنا تھا کہ اگلے مالی سال میں مالی خسارہ 1 سے 1.5 فیصد تک کم ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News