محکمہ موسمیات نے ملک کے بیشتر حصوں میں گرج چمک کے ساتھ بارشوں کی پیشگوئی کردی ہے۔
تفصیلات کے مطابق آئندہ چوبیس گھنٹوں کے دوران ملک کے بیشتر میدانی علاقوں میں موسم گرم اور خشک رہے گا جبکہ بالائی خیبرپختونخوا، بالائی پنجاب، کشمیر اور گلگت بلتستان میں آندھی اور گرج چمک کے ساتھ بارش متوقع ہے۔
محکمہ موسمیات کا کہنا ہے کہ گزشتہ 24 گھنٹوں کے دوران ملک کے بیشترعلاقوں میں موسم گرم اور خشک رہا ہے تاہم بالائی پنجاب، بالائی خیبرپختونخوا، کشمیر، کراچی اور گلگت بلتستان میں چند مقامات پر موسلا دھار بارش ہوئی۔
دوسری جانب عالمی ماہر ماحولیات مہیش پلاوات کا کہنا ہے کہ ہوا کا ایک اور کم دباؤ 23مئی تک خلیج بنگال میں بن سکتا ہے جو سمندری طوفان میں تبدیل ہوسکتا ہے۔
غیر ملکی خبرایجنسی کے مطابق عالمی ماہر ماحولیات نے کہا ہے کہ ابتدائی اندازے کے مطابق سمندری طوفان کا رخ بنگلہ دیش کی جانب ہوگا۔
انہوں نے بتایا کہ سائیکلون بننے کی صورت میں اس کا نام ‘یاس’ رکھا جائے گا جو کہ اومان کا تجویز کردہ ہے جس کے معنی بے تاب کے ہیں۔
اس بات کا امکان ظاہر کیا جارہا ہے کہ سمندری طوفان کا اثر کچھ حد تک میانمار میں بھی ہوسکتا ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News