افغان طالبان کے سیاسی دفترکے سربراہ ملا عبدالغنی برادر نے کہا ہے کہ طالبان خواتین کو تحفظ فراہم کریں گے۔
تفصیلات کے مطابق قطر میں موجود افغان طالبان کے سربراہ ملا عبدالغنی برادر نے اپنے ایک بیان میں کہا کہ غیر ملکی انخلا کے بعد افغانستان میں آئندہ نظام کی تشکیل پر سوالات ہیں۔
انہوں نے کہا کہ طالبان حقیقی اسلامی نظام چاہتے ہیں جو ثقافتی روایات اور مذہبی قوانین کے مطابق خواتین کے حقوق کے لئے شرائط فراہم کرے۔
ملا عبدالغنی برادر نے یقین دہانی کرواتے ہوئے کہا کہ طالبان خواتین کو تحفظ فراہم کریں گے اور سفارت کار اور این جی اوز بھی افغانستان میں محفوظ طریقے سے کام کرسکیں گے۔
ملا عبدالغنی برادر کا کہنا تھا کہ طالبان افغان امن مذاکرات پر یقین رکھتے ہیں، ایک حقیقی اسلامی نظام افغانوں کے تمام مسائل کے حل کابہترین ذریعہ ہے۔
Advertisement
افغان طالبان کے سیاسی دفترکے سربراہ ملا عبدالغنی برادر کا مزید کہنا تھا کہ ہماری طرف سے مذاکرات اور اس کی حمایت میں ہماری بھر پور شرکت اس بات کی کھلی نشاندہی کرتی ہے کہ ہم افہام و تفہیم کے ذریعے معاملات کو حل کرنے میں یقین رکھتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
