اویس قادر شاہ کا کہنا ہے کہ ملک میں وزیراعظم کے ناکام سمارٹ لاک ڈاؤن کی وجہ سے کورونا کیسز میں اضافہ ہوا ہے۔

تفصیلات کے مطابق پاکستان پیپلزپارٹی  کے رہنما اورصوبائی وزیر اویس قادر شاہ نے اپنے جاری کردہ بیان میں کہا ہے کہ ملک میں وزیراعظم کے ناکام سمارٹ لاک ڈاؤن کی وجہ سے کورونا کیسز میں اضافہ ہوا ہے، بہت سے ملکوں نے وزیراعلی سندھ مراد علی شاہ کے کورونا وبا کے متعلق کیے گئے فیصلوں کو سراہا ہے۔

انھوں نے کہا ہے کہ وفاقی حکومت چاہتی ہے کہ کراچی میں کوروناکیسز میں اضافہ ہوتو سندھ حکومت پر ذمہ داری عائد کریں، سندھ حکومت نے جزوی لاک ڈاؤن کا فیصلہ شہریوں کوکورونا سےحفاظت کرنے کہ لیے کیا ہے۔

صوبائی وزیر کا کہنا ہے کہ عمران خان کورونا وبا کے کیسز بڑھنے کی وجہ سے پہلے سخت فیصلے کرتے تو آج ملک میں اتنے کیسز نہ بڑھتے۔

انھوں نے کہا ہے کہ فواد چودھری کو کوئی اختیار نہیں ہے کہ وہ سندھ کے کاموں میں مداخلت کرے اپنے کام سے کام رکھیں، شیخ رشید اور فواد چودھری جیسےسیاسی یتیم ہمیشہ جھو ٹ بول کر ہی اپنی نوکری پکی کرتے آئے ہیں

اویس قادر شاہ نے کہا ہے کہ کئی ممالک کورونا سے چھٹکارہ پانے کہ قریب ہیں مگر نالائق حکومت کی وجہ سے ہم بہت پیچھے ہیں، نالائق لوگ خود کچھ نہیں کرسکتے تو سندھ کے اچھے کاموں میں رکاوٹ ڈالتے ہیں، ہمیں سندھ کے لوگوں کی جانیں عزیز ہیں, کوئی کچھ بھی کہے ہمیں کوئی پرواہ نہیں ہے۔