گوگل کی ویڈیو کانفرنسنگ سروس میٹ میں چند نئے فیچرز کا اضافہ کیا گیا ہے۔

گوگل کی جانب سے اینڈرائیڈ اور آئی او ایس ایپس میں گوگل میٹ کے لئے نئے ویڈیوز فلٹرز، ایفیکٹس اور اے آر ماسکس کا اضافہ کیا گیا ہے۔

[amazonad category=”Electronics”]

گوگل کی جانب سے ٹوئٹر پر اس کا اعلان کرتے ہوئے بتایا گیا کہ ان فیچرز کی مدد سے صارفین اپنی ویڈیو کال فیڈ میں اسپارکل آئیکون کو استعمال کرسکیں گے۔

اس کے علاوہ ان میں سے بیشتر فیچرز ان صارفین کو دستیاب ہوں گے جن کا پرسنل جی میل اکاؤنٹ ہوگا تاہم ورک اسپیس استعمال کرنے والے بھی کسی حد تک ان کو استعمال کرسکیں گے۔

Add cats, astronauts, jellyfish and more to your Meet calls. New filters, masks and effects are now available for Meet on Android and iOS. Try it today → https://t.co/DDSvWFxDG8 pic.twitter.com/hylhsCcUuj

— Google (@Google) July 7, 2021

نائن ٹو فائیو گوگل کی ایک رپورٹ کے مطابق ان ویڈیو ایفیکٹس کو متعارف کرانے کا مقصد کاروباری اور بزنس صارفین سے توجہ ہٹا کر عام صارفین کو اس سروس کی جانب کھینچنا ہے۔

خیال رہے کہ گوگل میٹ کو گزشتہ سال پرسنل گوگل اکاؤنٹس رکھنے والوں کے لئے مفت کردیا گیا تھا۔

گزشتہ چند ماہ کے دوران گوگل میٹ میں متعدد فیچرز متعارف کرائے گئے ہیں اور اس کو بہتر بھی کیا گیا ہے۔

حال ہی میں ہینڈ رائزنگ فیچر کو بھی ایک نئی اپ ڈیٹ سے بہتر بنایا گیا تھا۔

اپریل میں گوگل میٹ کے ڈیسک ٹاپ صارفین کے لئے یوزر انٹرفیس کو بدلا گیا جبکہ نئے فیچرز کا اضافہ بھی کیا گیا تھا۔

ان فیچرز کے تحت اگر کوئی صارف اسکرین پر خود کو نہیں دیکھنا چاہتا تو اب میٹ میں صارف کی اپنی ویڈیو فیڈ کو ہائیڈ یا منیمائز کیا جاسکتا ہے اور اگر اپنی آنکھوں کو دیکھنا چاہتے ہیں تو گرڈ میں اپنی فیڈ کو پن کرسکتے ہیں۔

گوگل کے مطابق بہت جلد صارفین کو میٹ کالز کے دوران سیلف فیڈ ٹرن آف کرنے کا آپشن بھی فراہم کیا جائے گا۔