وفاقی وزیر تعلیم شفقت محمود نے کہا ہے کہ بوائز اسکاؤٹس ایسوسی ایشن ایک آزاد ادارہ ہے۔

تفصیلات کے مطابق وفاقی وزیر تعلیم شفقت محمود نے میڈیا سے گفتگو کرتے ہوئے کہا ہے کہ بوائز اسکاؤٹس ایسوسی ایشن میں مسائل ہیں ، آئندہ بین الصوبائی وزرائے تعلیم اجلاس میں یہ معاملہ اٹھائیں گے۔

وفاقی وزیر تعلیم شفقت محمود نے کہا کہ تمام کام کرنا حکومت کی ذمہ داری نہیں ، بوائز اسکاؤٹس ایسوسی ایشن ایک آزاد ادارہ ہے ، ادارے کو مستحکم کرنے کے لیے اقدامات کریں گے ، بوائز اسکاؤٹس ایسوسی ایشن میں بھی اصلاحات لائیں گے۔

اس سے قبل وفاقی وزیر تعلیم شفقت محمود نے اسلام آباد میں تقریب سے خطاب کرتے ہوئے کہا تھا کہ بڑی ہمت کر کے بچوں کے امتحان لیے ہیں، پریشر تھا کہ امتحان سے کہیں کورونا نہ پھیل جائے۔

وفاقی وزیر تعلیم شفقت محمود نے کہا تھا کہ میں چاہتا ہوں کہ 3 سے 4 چینلز چلیں جہاں بچوں کو تعلیم ملے۔

شفقت محمود نے کہا تھا کہ اوپن یونیورسٹی آکر بہت خوشی ہوتی ہے، ڈاکٹر عبدالقیوم کی کاوشیں یونیورسٹی داخل ہوتے ہی نظر آتی ہیں، ستر کی دھائی میں بننے والی یونیورسٹی ڈسٹنس لرننگ کی بانی تھی، بہت خوشی ہے کہ یونیورسٹی کے نظام کو ٹرانسفارم کیا گیا ہے۔

وفاقی وزیر تعلیم شفقت محمود نے مزید کہا تھا کہ اوپن یونیورسٹی اچھے سے ڈیجیٹلائز ہوئی ہے، میں چاہتا ہوں کہ یہ باقی جامعات کو بھی سروسز دیں۔