ملتان میں ضلعی انتظامیہ کی جانب سے مہنگائی کنٹرول کرنے کیلئے اقدامات کیےگئے ہیں۔
تفصیلات کے مطابق سبزی و غلہ منڈی میں ہول سیل پوائنٹس قائم کردیے گئے ہیں، ڈپٹی کمشنر عامر کریم خان نے ہول سیل پوائنٹس کا افتتاح کردیا ہے۔
ڈپٹی کمشنر عامر کریم خان کا کہنا ہے کہ ہول سیل پوائنٹس سے بازار اور منڈی کی نسبت ارزاں نرخ پر اشیاء خوردونوش فراہم ہونگی، ہول سیل پوائنٹس کا مقصد عام آدمی کو مہنگائی سے ریلیف فراہم کرنا ہوگا۔
ان کا کہنا تھا کہ ہول سیل پوائنٹس کا دائرہ کار شہری علاقوں تک بڑھایا جائےگا، اشیاء خوردونوش اور اجناس پر خصوصی رعایت فراہم کی گئی ہے۔
ڈپٹی کمشنر کا مزید کہنا تھا کہ ہول سیل پوائنٹس پر سبزیاں اور پھل کا معیار بہترین رکھا گیا ہے۔
واضح رہے کہ اسسٹنٹ کمشنر سٹی خواجہ عمیر محمود نے بریفنگ بھی دی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News