خیبرپختونخوا میں گزشتہ 24 گھنٹوں میں کورونا وائرس سے 14 افراد انتقال کر گئے ہیں۔
تفصیلات کے مطابق صوبے میں کورونا سے جاں بحق افراد کی تعداد 5 ہزار 426 ہوگئی ہے، خیبرپختونخوا میں 24 گھنٹوں میں کورونا وائرس سے مزید 293 افراد متاثر ہوئے ہیں۔
محکمہ صحت کا کہنا ہے کہ صوبے میں کورونا کیسز کی مجموعی تعداد 1 لاکھ 71 ہزار 589 ہوگئی ہے، خیبرپختونخوا میں 24 گھنٹوں کے دوران کورونا سے متاثرہ 293 مریض صحت یاب ہوئے ہیں جس کے بعد صوبے میں کورونا سے صحت یاب افراد کی تعداد ایک لاکھ 59 ہزار 194 ہوگئی ہے۔
محکمہ صحت کے مطابق پشاور میں کورونا وائرس سے 7 افراد جاں بحق ہوئے ہیں، پشاور میں کورونا وائرس سے جاں بحق افراد کی تعداد 2552 ہوگئی ہے۔
محکمہ صحت کا کہنا ہے کہ پشاور میں کورونا کیسز کی تعداد 61 ہزار 890 ہوگئی ہے، صوبے میں ایک دن میں 11 ہزار11 نئے ٹیسٹ کیے گئے ہیں۔
محکمہ صحت کے مطابق لوہر چترال میں کورونا سے 24 گھنٹوں کے دوران 17 افراد، مردان میں 25 افراد اور نوشہرہ میں 13 افراد متاثر ہوئے ہیں۔
محکمہ صحت کا کہنا ہے کہ پشاور میں کورونا سے 24 گھنٹوں کے دوران مزید 44 افراد متاثر ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News