اسپیکر پنجاب اسمبلی چوہدری پرویزالہٰی کا کہنا ہے کہ بلدیاتی نظام بنیادی عوامی مسائل میں کمی لانے کیلئے مؤثر ثابت ہوگا۔
تفصیلات کے مطابق اسپیکر پنجاب اسمبلی چوہدری پرویزالہٰی اور جنرل سیکرٹری مسلم لیگ پنجاب سینیٹر کامل علی آغا سے سرگودھا کنٹونمنٹ سے آزاد کونسلر چوہدری توقیر اشرف گجر اور رائے عمر فاروق کھرل کی ملاقات ہوئی ہے۔
ملاقات میں سرگودھا کنٹونمنٹ سے منتخب آزاد کونسلر چوہدری توقیر اشرف گجر اور رائے عمر فاروق کھرل نے پاکستان مسلم لیگ میں شمولیت کا اعلان کیا ہے۔
چوہدری پرویزالہٰی نے کہا کہ بلدیاتی نظام ایسا ہونا چاہیے جس سے عام آدمی کو نچلی سطح پر فائدہ ہو، ہماری پہلی ترجیح عام آدمی اور غریب آدمی کے مسائل حل کرنا ہیں۔
اسپیکر پنجاب اسمبلی چوہدری پرویزالہٰی نے مزید کہا ہے کہ معاشرے کی خوشحالی کا دارومدار عوام کو بنیادی سہولیات کی فراہمی پر مبنی ہے، بلدیاتی نظام بنیادی عوامی مسائل میں کمی لانے کیلئے مؤثر ثابت ہوگا۔
دوسری جانب آزاد کونسلر چوہدری توقیر اشرف گجر نے کہا کہ ہم چوہدری شجاعت حسین کی قائدانہ صلاحیتوں کے معترف ہیں۔
واضح رہے کہ ملاقات میں نائب صدر چوہدری سرفراز گوندل، رائے شاہ نواز کھرل، حاجی زاہد اختر اور فیصل گھمن بھی شریک تھے۔
اسپیکر پنجاب اسمبلی چوہدری پرویزالہٰی نے پارٹی میں شامل ہونے والوں کو خوش آمدید کہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News