وزیر مملکت برائے اطلاعات فرخ حبیب نے کہا ہے کہ ہتھکنڈوں کے پیچھے چھپنا شریف خاندان کا پرانا وتیرہ ہے۔
تفصیلات کے مطابق وزیر مملکت برائے اطلاعات فرخ حبیب نے اپنے ایک بیان میں کہا کہ شریف خاندان سے جب بھی کرپشن پر سوال ہوتا ہے یہ بیمار ہوجاتے ہیں، اب شریف خاندان کے وکیل بھی بیمار ہورہے ہیں۔
فرخ حبیب نے کہا کہ شریف خاندان التوا کے پیچھے چھپ رہا ہے، ہتھکنڈوں کے پیچھے چھپنا شریف خاندان کا پرانا وتیرہ ہے۔
وزیر مملکت برائے اطلاعات نے یہ بھی کہا کہ عدالت نے کیس چلانے کا کہا تو جواب آیا کہ وکیل کیس چھوڑ گئے، شریف خاندان اگر بے قصور ہے تو روزانہ کی بنیاد پر کیسز کی سماعت کروائے۔
فرخ حبیب کا کہنا تھا کہ مسلم لیگ ن اندرونی اختلافات کا شکار ہے ، تحریک انصاف کی حکومت میں پہلی دفعہ احتساب کا عمل شروع کیا ہے ، شریف خاندان اب این آر او کے پیچھے نہیں چھپ سکتے۔
فرخ حبیب کا یہ بھی کہنا کہ آپ نےملک کاپیسہ لوٹا،منی لانڈرنگ کی ، نوازشریف لندن میں چائےاورپولومیچ کےمزےلےرہےہیں ، م اورش لیگ کی لڑائی اب میڈیا کےسامنے بھی آگئی۔
وزیر مملکت برائے اطلاعات فرخ حبیب کا مزید کہنا تھا کہ شہبازشریف کی وزارت عظمیٰ کاسوال پوچھنےپرمریم خاموش ہوگئی تھیں، مریم نواز کو چیلنج کرتے ہیں کہ وہ عدالت کو کہیں کہ روزانہ کی بنیاد پرسماعت کریں۔
واضح رہے اس سے قبل بھی وزیر مملکت فرخ حبیب نے پی این سی اے میں تقریب سے خطاب کرتے ہوئے کہا تھا کہ پاکستان نے بڑی تعداد میں مہاجرین کی میزبانی کی ، دہشتگردی کے خلاف جنگ میں پاکستان نے 80 ہزارجانوں کی قربانی دی۔
فرخ حبیب کا کہنا تھا کہ افغانستان سے انخلاء میں پاکستان نے بھرپور کردار ادا کیا ہے ، افغانستان کو موجودہ حالات میں تنہا نہیں چھوڑا جا سکتا ، افغانستان کو تنہا چھوڑا تو انسانی بحران پیدا ہو سکتا ہے۔
وزیر مملکت فرخ حبیب کا مزید کہنا تھا کہ پاکستان کی کوشش ہے کہ افغانستان میں عدم استحکام کی صورتحال پیدا نہ ہو ، افغان عوام کو 4 دہائیوں سے زیادہ آزمائش کا سامنا کرنا پڑا ، افغانستان میں ایسی حکومت کے قیام کے خواہاں ہیں جس پر سب کو اعتماد ہو۔
مزید پڑھیں
- bol news
- Bol news Urdu
- Bol Urdu News
- breaking news urdu
- breaking urdu news
- current breaking news in urdu
- karachi breaking news in urdu
- karachi news update urdu
- latest breaking news in urdu
- latest breaking news urdu
- latest news in urdu
- latest pakistani news in urdu
- latest urdu news
- latest urdu news islamabad
- latest urdu news karachi
- latest urdu news pakistan
- news in urdu
- pak news urdu
- pak urdu news
- pakistan latest news urdu
- pakistan news in urdu
- pakistan news urdu
- pakistan urdu news
- taza tareen urdu news
- urdu news
- urdu news pakistan
- urdu news paper
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News