یو اے ای میں عوامی مقامات پر فیس ماسک کی لازمی پابندی ختم

وریشہ مسعودویب ایڈیٹر

22nd Sep, 2021. 09:55 pm

کورونا کیسز میں کمی کے باعث متحدہ عرب امارات کی حکومت نے فیس ماسک کی پابندی ختم کردی۔

تفصیلات کے مطابق متحدہ عرب امارات کی حکومت نے بعض عوامی مقامات پر شہریوں کے فیس ماسک پہننے سے متعلق ضابطوں میں نرمی کا اعلان  کردیا ہے۔

وزارتِ صحت کی جانب سے  اعلامیے میں کہا کہ ورزش، ساحل پر بیٹھنے والوں کے لیے فیس ماسک لازمی نہیں ہے۔

اعلامیے میں مزید کہا گیا کہ پرائیوٹ گاڑی میں اکیلے یا گھر والوں کے ساتھ جانے والے بھی فیس ماسک کے بغیر گھوم سکتے ہیں جبکہ حجام کی دکانوں وغیرہ میں بھی ماسک لازمی نہیں ہے۔

وزارتِ صحت کے مطابق فیس ماسک کی پابندی میں نرمی کا فیصلہ کورونا کیسز میں 60 فیصد کمی کے بعد کیا گیا۔

دوسری جانب متحدہ عرب امارات میں گزشتہ 24 گھنٹوں کے دوران کرونا کے 318 نئے کیسز رپورٹ ہوئے جبکہ 380 مریض صحت یاب ہوئے، علاوہ ازیں 2 مریضوں کا انتقال بھی ہوا۔

رپورٹ کے مطابق  اب تک 1 کروڑ 95 لاکھ شہریوں کو کرونا ویکسین دی گئی ہے، جن میں سے 80 لاکھ 70 ہزار کو دونوں خوراکیں لگائی جاچکی ہیں۔

Adsence 300X250

مزید پڑھیں