سابق کپتان اور وکٹ کیپر بیٹسمین سرفراز احمد پاکستان نیوزی لینڈ سیریز منسوخ ہونے پر شائقین کرکٹ اور قومی کھلاڑیوں کی ہمت بڑھانے میدان میں آگئے۔

تفصیلات کے مطابق سابق کپتان سرفراز احمد نے پاک نیوزی لینڈ سیریز منسوخ ہونے پر  سماجی رابطے کی ویبسائٹ ٹویٹر پر اپنے بیان میں ردعمل دیا ہے۔

تم ہو ایک زندہ و جاوید روایت کے چراغ
تم کوئی شام کا سورج ہو کہ ڈھل جاو گے۔۔

مشکل گھڑی ہے لیکن ہمارا عزم ان مشکلات سے بڑا ہے#پاکستان_زندہ_باد

Advertisement

— Sarfaraz Ahmed (@SarfarazA_54) September 17, 2021

دوسری جانبقومی کرکٹ ٹیم کے آل راؤنڈر اور سابق کپتان محمد حفیظ نے کہا ہے کہ نیوزی لینڈکا یہ یکطرفہ فیصلہ قابل قبول نہیں ہے۔

قومی کرکٹ ٹیم کے آل راؤنڈر محمد حفیظ نے سماجی رابطے کی ویبسائٹ ٹویٹر پر جاری اپنے ایک بیان میں کہا کہ پاکستان کی خفیہ ایجنسیاں اور افواج پاکستان ہر پاکستانی کا فخر ہے،پاکستان محفوظ اور قابل فخر ملک  ہے۔

Pakistan 🇵🇰 intelligence agencies & Pakistan armed forces r Pride of every Pakistani. This unilateral decision of @BLACKCAPS is not acceptable. Pakistan 🇵🇰 is safe & Proud county.

Advertisement

— Mohammad Hafeez (@MHafeez22) September 17, 2021

واضح رہے کہ آج نیوزی لینڈ کرکٹ بورڈ نے پی سی بی کو آگاہ کیا  تھا کہ انہیں سیکیورٹی کے حوالے سے الرٹ کیا گیا ہے اس لیے یکطرفہ طور پر سیریز ملتوی کرنے کا فیصلہ کیا ہے۔

پاکستان کرکٹ بورڈ اور حکومت پاکستان نے مہمان ٹیم کی سیکیورٹی کے لیے فول پروف انتظامات کررکھے تھے جس پر   نیوزی لینڈ ٹیم کے آفیشلز نے اطمینان کا اظہار کیا تھا۔

اس سے قبل وزیر اعظم  عمران خان  نے ذاتی طور پر نیوزی لینڈ کی وزیراعظم  جیسنڈا آرڈرن سے رابطہ کرکے انہیں بتایا  تھا کہ ہماری سیکیورٹی انٹیلیجنس دنیا کی ایک بہترین ایجنسی ہے اور مہمان ٹیم کو کوئی سیکیورٹی تھریٹ نہیں ہے۔