پاکستان مسلم لیگ (ن) کے صدر شہباز شریف نے کہا ہے کہ بدقسمتی سےمنی بجٹ پرمنی بجٹ پیش کیاگیا۔
تفصیلات کے مطابق پاکستان مسلم لیگ (ن) کے صدر شہباز شریف نے قومی اسمبلی میں اظہار خیال کرتے ہوئے کہا کہ بچہ بچہ گواہی دےرہاہے کہ 74 سال کی بدترین حکومت نےجیناچھین لیا ہے۔
انہوں نے کہا کہ بجٹ کےدوران اپوزیشن کےسروں پرکتابیں ماری گئیں ، بجٹ سیشن میں حکومتی بنچزسےاپوزیشن کےگریبان پکڑےگئے ، ٹیکس فری بجٹ کاکہناجھوٹ کاپلندہ تھا ، پہلے ہی کہا تھا کہ مزید ٹیکسزلگائےجائیں گے ، حکومت ملک کیلئےبھاری بوجھ بن چکی ہے۔
پاکستان مسلم لیگ (ن) کے صدر شہباز شریف نے کہا کہ حکومت کاپیش کردہ بجٹ فراڈپرمبنی تھا ، ملک میں کمرتوڑمہنگائی ہے ، ریاست مدینہ میں بنیادی حقوق سب کوفراہم کیےگئےتھے ، ریاست مدینہ میں کمرتوڑمہنگائی،بھوک وافلاس نہیں تھی ، ریاست مدینہ میں بےروزگاری،ناانصافی نہیں تھی۔
شہباز شریف نے کہا کہ ریاست مدینہ کاذکردن رات سنتےہیں ، ہم نےخواتین کوحقوق اورعزت دی ، ریاست مدینہ میں انصاف کانظام قائم ہواتھا ، ریاست مدینہ میں رات کوکوئی بھوکانہیں سوتاتھا۔
پاکستان مسلم لیگ (ن) کے صدر شہباز شریف نے کہا کہ کوکنگ آئل کی قیمت میں110روپےاضافہ ہوا ، لاکھوں لوگ بےروزگارہوچکے،غریب سےنوالہ چھیناجاچکا ، لوگ فاقہ کشی پرمجبورہوگئےہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News