وزیر اعلیٰ پنجاب سردار عثمان بزدار نے کہا ہے کہ قوم دہشت گردی کے ناسور کے مکمل خاتمے کے لئے یکجان ہے۔
تفصیلات کے مطابق وزیر اعلیٰ پنجاب سردار عثمان بزدار نے کوئٹہ میں سریاب روڈ پر دھماکے کی شدید مذمت کرتے ہوئے کہا کہ جامِ شہادت نوش کرنے والے پولیس اہلکار کی قربانی کو خراجِ عقیدت پیش کرتے ہیں۔
وزیر اعلیٰ پنجاب نے دھماکے میں زخمی ہونے والے پولیس اہلکاروں اور دیگر افراد کی جلد صحت یابی کیلئے دعا کی۔
وزیر اعلیٰ پنجاب سردار عثمان بزدار نے کہا کہ مٹھی بھر دہشت گرد قوم کے پختہ عزم کو کمزور نہیں کرسکتے، قوم دہشت گردی کے ناسور کے مکمل خاتمے کے لئے یکجان ہے۔
واضح رہے کہ بلوچستان یونیورسٹی کے گیٹ کے قریب دھماکہ ہوا ہے، اسسٹنٹ کمشنر کوئٹہ کا کہنا ہے کہ دھماکے میں 13 پولیس اہلکار زخمی ایک شہید ہوا، دھماکے میں 3 سویلین بھی زخمی ہوئے ہیں۔
اے سی کوئٹہ کا کہنا ہے کہ دھماکے میں مجموعی طور ایک شہید 16 افراد زخمی ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News