عشرہِ رحمت اللعالمین ﷺ کے سلسلے میں ملک بھر کی طرح گورنر ہاؤس پشاور میں جشن عید میلادالنبیﷺ جوش و خروش سے منانے کی تیاریاں جاری ہیں۔
تفصیلات کے مطابق اس سلسلے میں گورنر ہاؤس خیبر پختونخوا کو 3 روز 17 اکتوبر سے 19 اکتوبر بروز اتوار، پیر اور منگل تک فیمیلیز کیلئے کھول دیا گیا ہے جبکہ یونیورسٹیز اور کالجز کی فیمیل طلبہ کیلئے بھی گورنر ہاؤس پشاور اوپن رہے گا۔
ترجمان گورنر ہاؤس کے مطابق گورنر ہاس پشاور اتوار سے منگل تک صبح 10 بجے سے شام 4 بجے تک فیمیلیز اور طلبہ کیلئے اوپن رہے گا۔مذکورہ 3 روز میں مقررہ اوقات کے دوران وزیٹرز فیمیلیز اور فیمیل طلبہ کو کھانے، پینے (لنگر)کی مفت سہولت فراہم کی جائے گی۔
واضح رہے کہ اس دوران 3 روز تک وزیٹرز فیمیلیز کیلئے تلاوت، حمد و نعتیہ کلام بھی پیش کیے جائیں گے۔ علاوہ ازیں عشرہِ رحمت اللعالمین ﷺ اور جشن عید میلادالنبیﷺ کے سلسلے میں گورنر ہاؤس پشاور کی عمارت و احاطہ کو خوبصورت برقی قمقموں سے سجا دیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News