پی ڈی ایم کے نائب صدر محمود خان اچکزئی نے کہا ہے کہ پاکستان بنانے میں ہمارے آبا و اجداد کا خون شامل ہے۔
تفصیلات کے مطابق پی ڈی ایم کے نائب صدر محمود خان اچکزئی نے کوئٹہ میں خطاب کرتے ہوئے کہا کہ ہم نے انگریزوں کے خلاف بھی حق کی بات کی، پاکستان بنانے میں ہمارے آبا و اجداد کا خون شامل ہے، غریب بھوک سے مر رہے ہیں لیکن سینیٹ کا ووٹ 70 کروڑ کا بیچا جاتا ہے۔
نائب صدر محمود خان اچکزئی کا کہنا تھا کہ نفرت صرف نا انصافی سے پیدا ہوتی ہے، پی ڈی ایم اس حکومت کے خاتمے تک چین سے نہیں بیٹھے گی، اس خطے پر ایک نئی جنگ مسلط کی جا رہی ہے، افغانستان کی آزادی ساری دنیا کو ماننی ہوگی۔
پی ڈی ایم کے نائب صدر محمود خان اچکزئی نے کہا کہ ہم مطالبہ کرتے ہیں کہ پاک افغان اور پاک ایران باڈر پر کاروبار کی اجازت دی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News