لاہور میں اب تک 10افراد ڈینگی سے جاں بحق ہو چکے ہیں ، عظمیٰ بخاری

مریم اقبال

23rd Oct, 2021. 03:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور میں اب تک 10افراد ڈینگی سے جاں بحق ہو چکے ہیں ، عظمیٰ بخاری

مسلم لیگ(ن) پنجاب کی ترجمان عظمیٰ بخاری نے کہا ہے کہ لاہور میں اب تک 10افراد ڈینگی سے جاں بحق ہو چکے ہیں۔

تفصیلات کے مطابق مسلم لیگ(ن) پنجاب کی ترجمان عظمیٰ بخاری نے کہا ہے کہ پنجاب میں ڈینگی اپنی پیک پر پہنچ چکا ہے اور بزدار حکومت کے کانوں پر جوں تک نہیں رینگ رہی۔

انہوں نے کہا کہ آج لاہور میں 3افراد ڈینگی کے باعث جاں بحق ہوئے ہیں ، اسلام آباد اور راولپنڈی میں ڈینگی کیسز ہزاروں کی تعداد میں رپورٹ ہورہے ہیں ، وفاق اور پنجاب حکومت ڈینگی کے تدارک کےلیے کوئی خاطر خواہ اقدامات نہیں اٹھارہی ، لوگ ڈینگی سے مریں،کورونا سے مریں یا گولیوں سے مریں تبدیلی والوں کو کوئی پراوہ نہیں۔

عظمیٰ بخاری نے کہا ہے کہ ڈینگی کے کیسز میں اضافے کی سب سے بڑی وجہ حکومتی کی عدم دلچسپی ہے ، حکومت کہہ رہی ہے صورتحال کنٹرول میں ہے لیکن میڈیا کہہ رہا ہے کہ ڈینگی کنٹرول سے باہر ہورہا ہے۔

مسلم لیگ(ن) پنجاب کی ترجمان عظمیٰ بخاری نے کہا ہے کہ لاہور کے بڑے اسپتالوں میں ڈینگی کے نئے مریضوں کےلیے بیڈز کم پڑ چکے ہیں ، بزدار حکومت بھی یہی چاہتی ہے کہ مریض اسپتالوں کے بجائے گھروں میں ہی اپنا علاج کروائیں۔