مشیر وزیر اعظم برائے احتساب شہزاد اکبر نے کہا ہے کہ تحریک انصاف کی بنیاد حصول انصاف پر ہے۔
تفصیلات کے مطابق لاہور میں مشیر وزیر اعظم برائے احتساب شہزاد اکبر نے انصاف لائرز کنونشن کی تقریب سے خطاب کرتے ہوئے کہا کہ تحریک انصاف یا عمران خان سے تعلق ان کی ذات سے بڑھ کر ان کے مقصد سے ہے، تحریک انصاف کی بنیاد حصول انصاف پر ہے، طبقاتی انصاف اور احتسابی انصاف ہمارا وعدہ تھا، ہماری کوشش جاری رہنی چاہیے حکومت میں آکر یہ مچن بڑھ جاتا ہے جس سے مخالفتیں بھی بڑھتی ہیں، حصول انصاف کی راہ میں بڑے مافیاز آرہے ہیں جو تجربہ کار بھی ہیں۔
شہزاد اکبر کا کہنا تھا کہ حصول انصاف میں وکلاء کا بہت بڑا کردار ہے، سول کیسز میں نانے سے نواسوں تک کیسز چلتے ہیں، اصلاحات تب تک ممکن نہیں جب تک بارز ہمارا ساتھ نہ دیں، اس کاوش کو کامیاب بنانے کے لیے سب کو اپنا حصہ ڈالنا ہوگا۔
مشیر وزیر اعظم برائے احتساب شہزاد اکبر نے لائرز کنونشن کی تقریب میں موجود لوگوں سے کہا کہ میں آپ کا پیغام اور مطالبات وزیر اعظم عمران خان کو پہنچاوں گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News