خیبرپختونخوا میں کورونا کی صورتحال

Tanzeela qureshi

18th Oct, 2021. 06:51 pm
40 more people died of Coronavirus across the country

خیبرپختونخوا میں گزشتہ 24 گھنٹوں میں کورونا وائرس سے 3 افراد انتقال کر گئے ہیں۔

تفصیلات کے مطابق خیبرپختونخوا میں کورونا وائرس سے جاں بحق افراد کی تعداد 5 ہزار 689 ہوگئی ہے، 24 گھنٹوں میں کورونا وائرس سے مزید 64 نئے کیسز رپورٹ ہوئے ہیں۔

محکمہ صحت کا کہنا ہے کہ صوبے میں کورونا کیسز کی مجموعی تعداد 1 لاکھ 76 ہزار 950 ہوگئی، خیبرپختونخوا میں 24 گھنٹوں کے دوران کورونا سے متاثرہ 98 مریض صحت یاب ہوئے ہیں۔

محکمہ صحت کے مطابق صوبے میں کورونا سے صحت یاب افراد کی تعداد 1 لاکھ 68 ہزار 185 ہوگئی ہے، پشاور میں کورونا وائرس سے 1 فرد جاں بحق ہوا ہے جس کے بعد پشاورمیں کورونا وائرس سے جاں بحق افراد کی تعداد 2720 ہوگئی ہے۔

محکمہ صحت کا کہنا ہے کہ پشاور میں کورونا سے 24 گھنٹوں کے دوران مزید 39 افراد متاثر ہوئے ہیں، پشاور میں کورونا کیسز کی تعداد 64 ہزار 70 ہوگئی ہے، صوبے میں ایک دن میں 7 ہزار 535 نئے ٹیسٹ کیے گئے ہیں۔

محکمہ صحت کے مطابق مردان میں کورونا سے 24 گھنٹوں کے دوران 9 افراد، بنوں میں 4 افراد اور سوات میں 4 افراد متاثر ہوئے ہیں۔

محکمہ صحت کا کہنا ہے کہ صوبے میں اب تک کل 31 لاکھ 62 ہزار 14 ٹسٹ کئے گئے ہیں، صوبے میں ایکٹیو کیسز کی تعداد 3 ہزار 76 ہوگئی ہے، پشاور میں 24 گھنٹوں میں کورونا وائرس کے سب سے زیادہ 47 نئے مثبت کیسز رپورٹ ہوئے ہیں۔

Square Adsence 300X250