کیپٹن ر صفدر نے کہا کہ انصاف کا ایسا نظام ہو کہ مہنگائی سے تنگ عوام کو انصاف ملے۔
تفصیلات کے مطابق کیپٹن ر صفدر نے میڈیا سے گفتگو کرتے ہوئے کہا کہ سعد رضوی کی رہائی میں حیلے بہانے ہورہے ہیں، این اے 14 مانسہرہ کا ایک کیس سپریم کورٹ میں 21 سال سے زیر التوا ہے، اس سارے نظام کو درستگی کی ضرورت ہے۔
انہوں نے کہا کہ ججز سارا دن محنت کرتے ہیں، عدالتوں کو وقت دیتے ہیں، پڑھائی کرتے ہیں اور ہم نے ججوں کو کیا دیا ہے؟ ججوں کی پینشن ٹھیک نہیں، پلاٹس اور گھر انکے پاس نہیں، ججوں کو اپنے بچوں کی شادیوں کی فکر ہوتی ہے، ہماری عدالتوں پر بہت بوجھ ہے۔
کیپٹن ر صفدر کا کہنا ہے کہ حکومت کو چاہیے کہ ججوں کی سہولتوں میں اضافہ کیا جائے، ججوں کی زندگی میں سکون نہیں ہے، مجھے ججوں، وکلاء اور ڈاکٹروں پر ترس آتا ہے، آئین کے تحفظ کرنے والوں، خواہ وہ رضوی ہوں یا کوئی بھی پاکستانی شہری، انکو حقوق ملنے چاہیں، خدا اس ملک میں آئین کی حکمرانی قائم کرے، میڈیا آزاد ہو، ووٹ کو عزت ملے۔
انہوں نے کہا کہ لوگ اپنے حقوق کی جنگ عدالتوں میں لڑ رہے ہیں، انصاف کا ایسا نظام ہو کہ مہنگائی سے تنگ عوام کو انصاف ملے، نواز شریف کے ووٹ کو عزت دو کے بیانیے میں یہ بات واضح ہے، ہم چاہتے ہیں کہ ووٹ کی طاقت سے حکومتیں بنیں، ووٹ کی طاقت سے پارلیمنٹ کام کرے اور آئین کا تحفظ ہو۔
کیپٹن ر صفدر نے مزید کہا کہ آج میں 2 مختلف مقدمات میں پیش ہوا ہوں، نیب عدالت میں لیگی رہنما شمائلہ رانا پر پولیس والوں نے تشدد کیا، مجھے اس مقدمے میں نامزد کردیا، پولیس کو کیا حق ہے کہ وردی میں وکیلوں کی نمائندہ کو ماریں، ہم پرچوں سے نہیں گھبراتے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News