وفاقی وزیر منصوبہ بندی اسد عمر نے کہا ہے کہ حکومت موسمیاتی تبدیلیوں پر خصوصی توجہ دے رہی ہے۔
اسد عمر سے امریکہ کے اے ڈی بی کیلئے متبادل ایگزیکٹو ڈائریکٹر جان ہرلے نے ملاقات کی جس میں انفراسٹرکچر، اربن سروس، تعلیم، موسمیاتی تبدیلی کے امور پر بات چیت ہوئی۔
ملاقات میں احساس پروگرام، اے ڈی بی کے صحت سے متعلقہ فنڈڈ منصوبوں پر بھی غور کیا گیا، اسد عمر کا کورونا وباء کے دوران تعاون اور حمایت پر جان ہرلے سے اظہارِ تشکر کیا۔
وفاقی وزیر منصوبہ اسد عمر کا کہنا تھا کہ اربنائزیشن اور بڑھتی ہوئی آبادی کے پیشِ نظر اربن انفراسٹرکچر پر خصوصی توجہ ہے، حکومت موسمیاتی تبدیلیوں پر بھی خصوصی توجہ دے رہی ہے۔
ایگزیکٹو ڈائریکٹر جان ہرلے نے اصلاحاتی ایجنڈے پر پاکستان سے مکمل تعاون کے عزم کا اعادہ کیا، اس موقع پر ان کا کہنا تھا کہ پاکستان نے کورونا وباء کی روک تھام میں بھرپور کردار ادا کیا۔
ملاقات میں کورونا وباء کے بعد اقتصادی تعاون کے امور پر بھی تبادلہ خیال ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News