اسپیکر پنجاب اسمبلی چوہدری پرویزالٰہی نے کہا ہے کہ سمندر پار پاکستانی ہمارا سرمایہ ہیں۔
تفصیلات کے مطابق اسپیکر پنجاب اسمبلی چوہدری پرویزالٰہی اور وفاقی وزیر آبی وسائل مونس الٰہی سے وائس چیئرمین اوورسیز پاکستانی کمیشن پنجاب سید طارق محمود الحسن کی سربراہی میں وفد نے ملاقات کی ہے۔
انہوں نے کہا کہ ملکی معیشت کی مضبوطی کیلئے اوورسیز پاکستانیوں کی خدمات فراموش نہیں کر سکتے ، بیرون ملک مقیم پاکستانیوں کے مسائل کا حل اولین ترجیحات میں شامل ہے۔
اسپیکر پنجاب اسمبلی چوہدری پرویزالٰہی نے کہا کہ اوورسیز پاکستانیوں کے مسائل کے حل کیلئے جامع پالیسی بنائیں گے ، ان کے حقوق اور املاک کا تحفظ ہر قیمت پر یقینی بنانا ضروری ہے ، ان کی شکایات کے ازالے کیلئے بھرپور کوششیں بروئے کار لائی جائیں گی۔
وفد میں قمر الزمان ، محمد شاہد زمان اور مبین سلطان جبکہ ملاقات میں سیکرٹری پنجاب اسمبلی محمد خان بھٹی نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News