اسلام آباد ہائیکورٹ میں مریم نواز اور کپٹن ریٹائرڈ صفدر کی ایون فیلڈ ریفرنس میں سزا کے خلاف اپیلوں پر سماعت آج ہوگی۔
اسلام آباد ہائیکورٹ کے جسٹس عامر فاروق اورجسٹس محسن اختر کیانی پرمشتمل بنچ سماعت کرے گا جبکہ مریم نواز اورکپٹن ریٹائرڈ صفدردوپہر12 بجے کے بعد آج عدالت میں پیش ہوں گے۔
مریم نوازکے وکیل نے عدم دستیابی پرآج کی سماعت ملتوی کرنے کی درخواست دائر کررکھی ہے جبکہ عرفان قادر کی التوا کی درخواست پر مریم نواز کی اپیل سے پہلے سماعت ہوگی۔
اسلام آباد ہائی کورٹ نے گزشتہ سماعت نیب کی استدعا پر ملتوی کر دی تھی۔ نیب کی جانب سے عدالت کے سوالات کے جواب دینے کیلئے وقت طلب کیا تھا۔
واضح رہے کہ غذشتہ سماعت میں مریم نواز عدالت پیش ہوئیں اور ان کے وکیل عرفان قادرنےعدالت سے کہا کہ مجھ سے منسوب جو دلائل لکھے گئے، اس میں درستی کرلیں جو مریم نواز کی نئی درخواست تھی، انہیں میرے دلائل تصور کیا جائے۔
جسٹس عامر فاروق نے کہا کہ جو بل آج پیش ہورہے ہیں ان کی کاپیاں آپ تمام ممبران کو بھجوا دی گئی ہیں۔ اگر آرڈرمیں کچھ غلطی ہے تو ہم اس کی تصحیح کردیں گے۔
عرفان قادر نے عدالت کو بتایا کہ میں نے کہا تھا کہ میری درخواست کے متن کو بھی میرے دلائل کا حصہ سمجھا جائے۔ میرے دلائل درخواست سے ہٹ کر نہیں تھے۔ میں نے ثبوت کی بات میں کہا تھا کہ کوئی ڈاکومنٹ ایسا نہیں جو ملکیت ثابت کرے۔
جسٹس عامرفاروق نے ریمارکس میں کہا کہ آرڈر لکھواتے وقت انگریزی کی کچھ الفاظ آگے پیچھے ہوسکتے ہیں۔ غلط انگریزی پرمعذرت خواہ ہیں، ہم جان بوجھ کرکوئی غلطی نہیں کررہے۔ ابھی کیس چل رہا ہےجو چیزیں آپ نکالنا چاہتے ہیں وہ ہم نکال دیں گے۔
نیب پراسیکیوٹرعثمان راشد نے مریم نواز اور کیپٹن ریٹائرڈ صفدر کی اپیلوں پر دلائل دیے اور پاناما جے آئی ٹی کے سربراہ واجد ضیا کا بیان عدالت کو پڑھ کرسنایا۔
گذشتہ سماعت میں ایون فیلڈ ریفرنس میں سزا کے خلاف مریم نواز کی اپیل پرڈیڑھ گھنٹے کے سوالات کے بعد نیب نے عدالت سے کہا تھا کہ ہم نےعدالت کے پوائنٹس نوٹ کرلیے آئندہ تاریخ پر تیاری کے ساتھ آئیں گے۔
نیب کی جانب سے سماعت ملتوی کرنے کی استدعا کی گئی جس پر اسلام آباد ہائیکورٹ نے ایون فیلڈ اپیلوں پرسماعت 24 نومبر تک ملتوی کردی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News