مرکزی رہنما پیپلز پارٹی سینیٹر پلوشہ خان نے کہا ہے کہ قوم منتظر ہے بھٹو ریفرنس کی سپریم کورٹ میں کب سماعت ہوگی۔
پلوشہ خان نے اپنے جاری کردہ ایک بیان میں کہا کہ بھٹو ریفرنس 10 سال سے سماعت کا منتظر ہے، قوم منتظر ہے بھٹو ریفرنس کی سپریم کورٹ میں کب سماعت ہوگی۔
ان کا کہنا تھا کہ شہید ذوالفقارعلی بھٹو کو پھانسی کی سزا سنانے والے جج کا بیان رکارڈ پر ہے، جسٹس ریٹائرڈ نسیم حسن شاہ نے ٹی وی پر اعتراف کیا کہ بھٹو کو سزا غلطی تھی۔
انہوں نے کہا کہ قوم پوچھتی ہی رہے گی کہ بھٹوز سے انصاف میں رکاوٹ کیا ہے؟ پوری قوم شہید ذوالفقارعلی بھٹو سے انصاف کی منتظر ہے، سپریم کورٹ کو درخواست کرتے ہیں کہ بھٹو ریفرنس کی جلد سماعت کی جائے۔
سینیٹر پلوشہ خان کا کہنا تھا کہ شہید محترمہ بے نظیر بھٹو کے قاتلوں کو بھی سزا نہیں ہوئی، انصاف میں تاخیر انصاف سے انکار کے مترادف ہے۔
مرکزی رہنما پیپلز پارٹی سینیٹر پلوشہ خان نے مزید کہا کہ پیپلز پارٹی کی قیادت آج بھی اپنی بے گناہی ثابت کرنے کیلئے عدالتوں میں پیش ہوتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News