تعلیم کو اپنے بچوں کیلئے بہتر سے بہتر کرنے کی کوشش کررہے ہیں، مراد راس

اسفا سروت

13th Nov, 2021. 03:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تعلیم کو اپنے بچوں کیلئے بہتر سے بہتر کرنے کی کوشش کررہے ہیں، مراد راس

محکمہ تعلیم پنجاب نے موسم سرما کیلئے اسکولوں کے اوقات کار کا نوٹیفکیشن جاری کردیا ہے۔ تفصیلات کے مطابق کورونا وائرس کی کمی کے باعث پنجاب بھر میں اسکول معمول کے مطابق پیر سے کھل رہے ہیں، وزیرتعلیم پنجاب مراد راس نے محکمہ تعلیم کی جانب سے موسم سرما کیلئے اسکولوں کے اوقات کار کا نوٹیفکیشن جاری کردیا ہے۔ا سکولوں کے اوقات کار کا نوٹیفکشن 16اکتوبر نافذالعمل ہوگا۔ محکمہ تعلیم پنجاب کی جانب سے جاری کردہ نوٹیفکیشن کے مطابق گرلزاسکولوں کیلئے اوقات کارصبح ساڑھے 8بجے سے اڑھائی بجے اور بوائز سکول کیلئے پونے 9 بجے سے پونے 3بجے تک ہوں گے۔ نوٹیفکیشن میں کہا گیا ہے کہ جمعہ کے روز سنگل شفٹ والے سکول ساڑھے 8بجے سے 12بجے تک اور ڈبل شفٹ والے اسکولوں میں پہلی شفٹ ساڑھے 8بجے سے 12بجے تک چلے گی جبکہ دوسری شفٹ 2بج کر 30منٹ سے شروع ہوگی اور ساڑھے پانچ بجے تک چلے گی۔ نوٹیفکیشن میں یہ بھی کہا گیا ہے کہ طلباء کی 50فیصدحاضری کی بجائے مکمل حاضری کو یقینی بنایا جائے گا جبکہ پیر سے سکولوں میں معمول کے مطابق تمام تدریسی و غیرتدریسی سرگرمیوں کی بھی اجازت ہوگی۔ نوٹیفکیشن میں مزید کہا گیا ہے کہ اسکولوں میں مارننگ اسمبلی، بزم ادب اور کھیلوں سمیت تمام سرگرمیوں کی اجازت ہوگی جبکہ تمام تدریسی و غیرتدریسی سرگرمیوں کی اجازت ہوگی۔

مراد راس کا کہنا ہے کہ تعلیم کو اپنے بچوں کیلئے بہتر سے بہتر کرنے کی کوشش کر رہے ہیں۔

صوبائی وزیر تعلیم پنجاب مراد راس کی وفاقی وزیر تعلیم شفقت محمود سے اہم ملاقات ہوئی ہے۔ ملاقات کا انعقاد یکساں نصاب تعلیم کی کامیابی کے حوالے سے کیا گیا ہے۔

اس ملاقات میں یکساں نصاب تعلیم کے حوالے وفاقی حکومت اور پنجاب حکومت کے نمائندگان بھی شامل ہوئے۔

مراد راس نے ملاقات میں شفقت محمود سے گفتگو کرتے ہوئے کہا کہ اساتذہ اور طلباء سے اہم کچھ نہیں ہے، تعلیم کو اپنے بچوں کے لئے بہتر سے بہتر کرنے کی کوشش کر رہے ہیں۔

ان کا کہنا ہے کہ یکساں نصاب تعلیم پر عمل نہ کرنے والے اسکولوں کے خلاف سخت کارروائی عمل میں لائی جائے گی۔

صوبائی وزیر تعلیم مراد راس نے مزید کہا کہ وزیر اعظم عمران خان کے ویژن کے عین مطابق یکساں نصاب تعلیم پر ہر ممکن عملدرآمد کروایا جارہا ہے۔