وزیراعظم نے سری لنکن مینجر پرینتھا کو بچانے کی کوشش کرنے والےشہری کو تمغہ شجاعت دینے کا اعلان کر دیا ہے ۔

سماجی رابطے کی ویب سائٹ ٹویٹرپر اپنے ایک پیغا م میں وزیراعظم عمران خان نے سری لنکن مینجر پرینتھا کو بچانے کے لیے قاتلوں کے سامنے کھڑے ہونے پر ملک عدنان کو تمغہ شجاعت عطا کرنے کا اعلان کردیا ۔

On behalf of the nation I want to salute moral courage & bravery of Malik Adnan who tried his utmost to shelter & save Priyantha Diyawadana from the vigilante mob in Sialkot incl endangering his own life by physically trying to shield victim. We will award him Tamgha i Shujaat

— Imran Khan (@ImranKhanPTI) December 5, 2021

 وزیراعظم عمران خان  کا مزید کہنا تھا کہ ملک عدنان کی بہادری اور شجاعت کو سلام پیش کرتے ہیں، ملک عدنان نے مشتعل ہجوم سے سری لنکن مینجر کو بچانے کیلئے اپنی زندگی خطرے میں ڈالی۔

یاد رہے کہ پنجاب کے شہر سیالکوٹ میں ایک انتہائی افسوس ناک واقع پیش آیا تھا جہاں توہین مذہب اور گستا خی پر نجی فیکٹری راجکو انڈسٹری کے جنرل مینیجر کو مشتعل ہجوم نے تشدد کر کے قتل  کر دیا جس کے بعد اس کی لاش کو آگ لگا دی تھی۔

مظاہرین نے تشدد کرتے وقت لبیک لبیک کے نعرے لگائے جبکہ مشتعل افراد نے فیکٹری کا بھی گراؤ کرلیا اور وزیر آباد روڈ ٹریفک کے لئے بند کردیا تھا۔

 سیالکوٹ پولیس کا واقعے کے حوالے سے کہنا تھا کہ ہلاک ہونے والے شہری کی شناخت پریا نتھا کمارا کے نام سے ہوئی ہے۔ یہ سیالکوٹ کے وزیر آباد روڈ پر واقع ایک نجی فیکڑی میں بحثیت ایکسپورٹ مینیجر کے خدمات انجام دے رہے تھے۔

اسپتال ذرائع کا کہنا ہے کہ ان کے پاس ایک انتہائی بری طرح جلی ہوئی لاش لائی گئی ہے جو پوری طرح راکھ بن چکی ہے۔